أرملة إسماعيل الليثي في فيديو مؤثر بعد 4 أشهر على وفاته :الدنيا ماتت بالنسبالي
خرجت الميك أب آرتيست شيماء سعيد، أرملة إسماعيل الليثي، في فيديو مؤثر عبر قناتها على تيك توك بعد 4 أشهر على وفاة المطرب الشعبي في حادث أليم، حيث فارق الحياة في نوفمبر الماضي.
أرملة إسماعيل الليثي تتوعد من أذوا الراحل
وأكدت أرملة إسماعيل الليثي أنها لن تسامح من أذوها ودمروا زوجها على حد قولها، حيث قالت : "قضيت 4 شهور و10 أيام بأدب واحترام والشخص ده كان أبويا وأمي والنفس اللي بتنفسه .. الشخص ده أنا كنت عايشة علشانه هو .. وماكنتش بشوف رجالة غيره .. كل اللي أذوه واللي دمرونا أنا مش هسامحهم .. وهسيب حقي لربنا هوا اللي هياخدلي حقي من الناس دي كلها".
الأذى وحش أوي
وواصلت شيماء سعيد : "خدوا بالكم إن ربنا موجود والناس اللي بتأذي بقولهم الأذى وحش أوي .. وأنتم بتتعالوا على قضاء ربنا .. والشخص ده كان عايش وفاتح بيت ومخلف ولاد والابن مات ومحدش رحمني والراجل مات ومحدش رحمني .. واتسبيت ومحدش رحمني .. وهم ماخدوش مني غير كل خير لأني بعامل ربنا".
فيديو مؤثر لـ أرملة إسماعيل الليثي
واختتمت أرملة إسماعيل الليثي : "أنا معنديش عزيز العزيز خلاص مات .. الحياة ماتت والدنيا ماتت بالنسبالي .. ورضا وأبو رضا كانوا الحياة والنفس اللي بتنفسه .. بس خلاص حكايتنا خلصت من قبل ما نبدأ .. وأنا مش عايزة غير دعواتكم له وليا .. ومحدش يزعل مراته ولا جوزه .. ومفيش حاجة مستاهلة وعلى قد ما تقدري اعفي".
