أتمنى تسبوني في حالي.. أول تعليق من شيماء سعيد بعد أزمتها
بعد أزماتها العديدة في الفترة الأخيرة، ظهرت خبيرة التجميل شيماء سعيد أرملة المطرب الراحل إسماعيل الليثي في بث مباشر عبر حسابها الرسمي على موقع التيك توك.
أول ظهور ل شيماء سعيد بعد أزمة سيارتها
وقالت شيماء سعيد في هذا البث: “في كل الليلة اللي أنا فيها دي اللي وقف جنبي 2 أو 3، أنا عارفة أنكم بتردوا غيبتي الدنيا صغيرة ومش دايمة لحد، لما رحت كشفت امبارح الدكتور قالي لازم تطلعي من الاكتئاب، لأني مش هينفع أتعب أكتر من كده لأن ورايا بنتين بيتربوا، أتمنى الناس تسيبني في حالي واللي بيقول كلام مالوش لازمة كل واحد هيجيله يوم.”
وتابعت شيماء سعيد في حديثها: “أنا بدعي على كل شخص اتكلم عليا إن ربنا يردلي حقي منه في الدنيا علشان يبقى عبرة، وفي كل حد شمت فيا إن جوزي اتاخد مني، بحق جاه النبي يتاخد جوزك منك منه بنفس الطريقة والإحساس.”
شيماء سعيد: مكتوب عليا الوحدة
واضافت شيماء سعيد قائلة: “هو أنا مكتوب عليا الوحدة؟، الوحدة بقت من نصيبي وقسمتي، الناس تسيبني في حالي لأن عندي بنات بتتربى، وهتكبر وتشوف اللي بيتقال على والدتهم، مبقاش بعمل خير طول عمري وألاقي سيرة وحشة، ليه يتاخد عني انطباع مش أنا؟.”
“بناتي ميعرفوش أن أبوهم مات”
واختتمت أرملة إسماعيل الليثي شيماء سعيد حديثها معربة: “مش مقدرين المصيبة اللي أنا فيها، أيًا كان اللي حصل الواحدة متتمناش أبدًا أن جوزها يروح منها، محدش يتخيل أن جوزها يروح من حياتها للأبد، لحد دلوقتي البنات متعرفش حاجة هقولهم إيه؟، لحد دلوقتي مش مستوعبين أن رضا راح، أقولهم إيه عن أبوهم؟.”
انهيار سقف جراج على سيارة شيماء سعيد
في سياق منفصل، قد أعلن مصطفى سعيد شقيق شيماء سعيد زوجة المطرب الراحل إسماعيل الليثي عن تعرض سيارة شقيقته إلي حادث مأسوي، وذلك بعدما سقط عليها سقف الجراج، وقد أعلن هذا من خلال نشر مقطع فيديو عبر حسابه الرسمي على موقع تبادل الصور والفيديوهات إنستجرام.
تفاصيل واقعة سيارة شيماء سعيد
وقد شهدت منطقة اللبيني بفيصل، بدائرة قسم الهرم، واقعة انهيار جزئي داخل إحدى العمارات السكنية التي كان يقطن فيها المطرب الراحل إسماعيل الليثي، وذلك بعد سقوط جزء من السقف العلوي الخاص بالجراج أسفل المبنى.
وتعود بداية الواقعة عندما تلقت الأجهزة الأمنية بمديرية أمن الجيزة، اخطارا من الأهالي يفيد بأنهيار جزئي بأحد العقارات على عدد من السيارات.
وعلى الفور انتقلت الأجهزة الأمنية بقسم شرطة الهرم لمكان البلاغ وتبين من خلال المعاينة، أن الانهيار أدى إلى تحطم 6 سيارات كانت متوقفة داخل الجراج، حيث تعرضت لتلفيات متفاوتة بين المتوسطة والشديدة، نتيجة سقوط أجزاء الخرسانة عليها مباشرة.
وكشفت المعاينة الأولية أن الخسائر شملت تلفيات تهشم السقف والشنطة والكبوت، إضافة إلى أضرار جانبية هيكلية بعد انهيار الكتل الخرسانية.
