شيماء سعيد تستغيث: «عايزين ينقلوا جثمان ضاضا من غير إذني»

أثارت شيماء سعيد زوجة المطرب الشعبي الراحل إسماعيل الليثي حالة من الجدل عبر حسابها على تيك توك ، بعد حديثها عن أزمة تتعلق بنقل جثمان نجلها الراحل رضا من التربة دون علمها أو موافقتها.

وقالت شيماء في مقطع فيديو إن هاتفا وصلها أمس يفيد بوجود نية لنقل جثمان ابنها من التربة: «يارب تكونوا طيبين، دلوقتي جالي تليفون امبارح، بيقولوا عايزين ياخدوا رضا من غير استئذاني، وينقلوه من التربة».

أضافت: «في الدنيا وفي الآخرة عايزين يقلقوا، أنا مش عارفة هم عايزين إيه بالظبط؟ إزاي أنا ما ليّش في رضا؟ إزاي ما ليّش حق إني أروح آخده؟ وتروحوا تودوه عند حد تاني؟، لما صاحب التربة قال لهم: لا، لازم أمه تعرف، ده من الأصول، قالوا له: طيب ماشي، إحنا عايزين نودي رضا في أقرب وقت».

تابعت: «وأنا مش عارفة هم مستعجلين ليه دلوقتي؟ والتربة لسه قدامها شوية، مستعجلين ليه على فتحها؟، ناس كتير جدًا قالت لي وأنا بقولهم سيبوني في حالي وسيبوا ابني في حاله،  إنتوا إزاي ناس عندكم قلب وبتحسوا؟، لحد النهارده ما حدش سأل على عياله، ولا في تليفون واحد يطمن عليهم».

استكملت:«ودلوقتي عايزين تاخدوا رضا من غير ما تستأذنوني؟ أنا أصلًا مش واثقة فيكم، أنا اللي هروح أشيل رضا، أنا وعم إسماعيل، لأنه راجل محترم وراجل بيصلي وما بيسيبش فرض، لكن إنتوا ما لكوش إنكم تاخدوا الولد، الله أعلم ممكن تعملوا فيه إيه».

تابعت شيماء سعيد قائلة:«فانا يا جماعة مستمسكة بدعواتكم لإسماعيل ورضا، وتقفوا جنبي علشان تعبت، مش عارفة أعمل إيه مع الناس دي، ومش عايزين يسيبوني في حالي، ومش لاقيين مصيبة يعملوها، أنا مش عارفة هم عايزين إيه، ومش لاقية منهم حنية لعياله، لما هم عاملين نفسهم دلوقتي حنينين على رضا وعايزين يشيلوه من القبر ويردوه عند إسماعيل،  حسبي الله ونعم الوكيل، وقسمًا بالله الحقيقة هتظهر، وهطلع أقول كل حاجة عملتوها فيا».