فتاة تستغيث من سائق إن درايف: "عاوز يشربني سجائر أو أشمها"
نشرت إحدى الفتيات تدعى فرحة أحمد، إستغاثة بعد تعرضها لمضايقات من سائق عبر تطبيق النقل الذكي اندريف، أثناء طلبها رحلة في محافظة القاهرة.
وقالت الفتاة عبر حسابها أنها طلبت سائق اندريف للذهاب إلى الجامعة، وحضر إليها شخص، حاول مضايقتها، وكان لديه اصرار لحصول الفتاة منه على سجائر.
وذكرت الفتاة في المنشور : يا جماعة بلاش حد يركب اندرايفر أنا النهارده رايحه الجامعه زى الطبيعى وطلبت اندرايفر ركبت معاه لاقيته بيقولى انتى بتدخنى قولتلو لا وسكت.
وتابعت الفتاة: وبعدين فى نص الطريق لاقيته بيلف وشه وبيدينى علبه السجاير وبيلمس رجلي اتخضيت طبعا وقولتله أنا قولتلك مش بشرب ومش هدخن فضل يتحايل عليا عشان اخد سيجاره منها ويقولى شميها ريحتها نعناع ومعاه كوباية عمال يقولي اشربي شاي والله اعلم فيها إيه.
وتابعت الفتاة: جيت أفتح الباب عشان أنط لاقيته قافل الباب عليا نظراته كانت وحشة جدا قعدت أتكلم معاه عشان اعرف أنزل وقولتله ممكن لو فاضي ترجع تاخدني عشان أقدر أنزل وقعد يسألني إنتي عايشة لوحدك ولا معاكي حد.
وأكملت الفتاة : قولتلو هنزل أدى حد غلبان فلوس في الشارع مكنش راضي وقالي هقف وهى تجيلك لكن انتى متنزليش قعدت أقولوا لا هي مش هتقدر تقوم نزلني المهم كان عندو اصرار أني أشم السجاير او أشربها.
واختتمت : نزلت جريت على حد كان واقف وهو جه اتخانق معاه وخلاه يمشى والحمد لله ربنا ستر قعد يرن عليا بعديها والراجل الـ وقفتو رد عليه قالوا هنعملك محضر وزعقله جامد والحمدلله ربنا عداها على خير ومش هتتكرر تاني إنى أركب اندرايف.
وتهيب وزارة الداخلية بالمواطنين، عدم تداول منشورات على مواقع التواصل الاجتماعي مجهولة المصدر، حتى لا يشاركوا في نشر الأخبار الكاذبة والشائعات، ويعرضوا أنفسهم للمسائلة القانونية، مناشدة المواطنين بالحصول على الأخبار والمعلومات من مصادرها الموثقة، والجهات الرسمية المسئولة عن إصدار البيانات الرسمية.
وطالبت وزارة الداخلية المواطنين، بسرعة تحرير محضر في حالة، نشر أو مشاهدة أي موقف أو واقعة من شأنها الأضرار بالشأن العام.
