أحمد موسى: إيدنا ممدودة للسلام.. ومش بنفرط في شبر من أرضنا| فيديو

قال الإعلامي أحمد موسى خلال تقديم برنامج «على مسئوليتي» والتي تم تسجيله من طابا؛: «هنا مصر أرض السلام، هنا طابا، كان نفسي من 36 سنه أقف في هذا المكان، عندما رفع الرئيس الراحل محمد حسني مبارك علم مصر هنا خفاقا على طاب».

وأضاف الإعلامي أحمد موسى أنه عندما نتحدث عن السلام فإننا نقول سلام، وندعو دائما إلى السلام، كما أن أيدي مصر ممتدة إلى السلام.

ووصف «موسى» المكان الذي يقف فيه من طابا قائلا: «اخر شبر من أراضينا، هو دا آخر شبر من أرض مصر، هو دا اللي احنا واقفين فيه، هو دا الفندق ودا المكان، آخر شبر اتحرر كان هو المكان دا، اللي هو كيلو و20 متر بالظبط، دي بلد مش بتسيب شبر واحد، ما سبتش الشبر دا».

 آخر حدودنا الشرقية

واستكمل الإعلامي أحمد موسى: «الكيلو و20 متر ما اتسبوش، جاي النهاردة حد يتكلم على اسيب سينا والتهجير، إزاي، دا انا بوريك الكيلو ما اتسبش ولا الـ20 متر كمان اتسابو، هذه آخر حدودنا الشرقية، هذه العلامة 91».

وبشأن تواجده في طابا؛ قال «موسى»: «أنا موجود هنا علشان الأجيال اللي ما تعرفه للأسف، وأنا عاوز أقول لحضراتكم أي الحكاية، إزاي رجعنا الكيلو و 20 متر دول، كان سهل أوي أي الكيلو و20 متر، لكن مصر والله ولا رئيس مصري في أي وقت يسيب شبر مش متر ولا كيلو ولا 20، هذه هي مصر».

 كيف استردت طابا

واستكمل الإعلامي أحمد موسى حديثه عن كيفية استرداد طابا؛: «عارفين علشان ترجع الكيلو و20 متر دول مصر عملت أي؟، عارفين مصر راحت فين؟، تاني بقول لحضرتك من 36 سنة، إحنا دخلنا في اتفاقية سلام، وعملنا سلام مع إسرائيل، وأمر قام به الرئيس البطل الراحل محمد أنور السادات، رجعنا أراضينا كلها بالكامل».

 اتفاقية السلام 

مشيرا إلى أن اتفاقية السلام حددت 25 أبريل 1982 الانسحاب الكامل لإسرائيل من كل مكان، شمالا إلى شرم الشيخ جنوبا؛ بما في ذلك طابا، وهذه كانت الاتفاقية، تنص على انسحاب كامل.