بعد واقعة FBC.. أحمد موسى: أرقام مفزعة بتتجاوز 600 ألف.. والبنك عندك مضمون

علق الإعلامي أحمد موسى على ما شهده الشارع المصري خلال الأيام الماضية، والتي تضمنت عمليات نصب على العديد من المواطنين بحجة توظيف الأموال وزيادة الأرباح خلال فترة وجيزة، مما دفع العديد من المواطنين للوقوع فريسة لمثل تلك الممارسات.

جرائم وخسائر 

وقال الإعلامي أحمد موسى خلال تقديم برنامج «على مسئوليتي» والمذاع عبر فضائية «صدى البلد»: «فيه موضوع مثار بقاله يومين، وكأن الناس لا تتعلم، والله الناس اللي عندها حالة الطمع دي بتدفع التمن، وفيه ناس بتموت، فيه ناس ماتت علشان دخلو على منصة نصبوا عليهم».

واستكمل «موسى»: «أي حد يقولك اديني 50 ألف وهتاخدهم 80 قوله أنت حرامي ونصاب، وأنت قاعد في البيت يقولك اديني 50 ألف وبكره بعده هتاخدهم 80، على طول نصاب، بلغ عنه، مافيش حاجه اسمها كده».

 أرقام مفزعة

مضيفا: «مين اللي عنده النهاردة فلوس بيدي الناس مكاسب وهو قاعد يعني مش كسبان، ومين اللي هو النهاردة عاوز مكسب سريع جدا ودا الطمع الرهيب جدا، وحضرتك بتخسر كل اللي وراك وقدامك، عمال أسمع أرقام مفزعة، وحتى الآن ما طلعش رقم دقيق».

وأوضح الإعلامي أحمد موسى: «فيه ناس باعوا الدهب، ناس باعوا أرض، ناس باعوا مواشي، ناس استلفوا من ناس علشان يدخلوا عمليه النصب دي، وأعلم إن فيه ناس ماتوا وحالهم سكتة قلبية علشان فلوسهم ضاعت، هذا المشهد عشناه بقالنا عشرات السنوات».

عملية النصب داخل مصر

وأكد «موسى»: «أي حد قام بعملية النصب داخل مصر لا يمكن للداخلية إن تسيبه، بيتكلموا عن أرقام كبيرة جدا، دا فيه مدينه فيها اكتر من 100 ألف سقطوا ضحايا، وفيه مدينه باين 200 ألف، بنتكلم عن أرقام بتتجاوز 600 ألف واحد تعرضوا لعمليات النصب، وأرقام أخرى مفزعة».

موسى: عندك البنك مضمون

ووجه الإعلامي أحمد موسى رسالة إلى المواطنين قائلا: «أنت عندك فلوس زيادة ولديها البنك، حرام أنت عندك البنك مضمون، البنك مش هيطير، فيه شهادات بـ27% وفيه عائد 24%، طب أي تاني ماهو مكسب اهو، روح البنك، أمان البنك، أي حاجة خارج البنوك فيها عملية نصب رهيبة، ومين هيرجعلك حقك ويجبلك فلوسك، لو الناس دي من برا شكرا».