مش مسامحة الدكتور..فريدة سيف النصر تتذكر شقيقها بكلمات مؤثرة
تذكرت الفنانة فريدة سيف النصر رحيل شقيقها بكلمات مؤثرة للغاية، من خلال منشور عبر حسابها الرسمي على موقع التواصل الإجتماعي فيسبوك.
حيث نشرت فريدة سيف النصر صورة له وأرفقتها بتعليق قائلة: “الله يرحمك ياحبيبي غفلتني وسيبتك في ايدين امينة، مش مسامحه الدكتور اللي شال الاوكسجين ليه طيب، ولكن أمر الله غالب، مكتوب ومقدر اصلك خساره فينا كلنا”.
سبب وفاة شقيق فريدة سيف النصر
وقالت فريدة سيف النصر في بث مباشر مؤخرًا عن سبب وفاة شقيقها: “الله جميل الله رؤوف الله رحيم، الله خلص أخويا من اللي كان فيه، شكة الإبرة بتضيع ذنب، بدر رايح زي الفل، هو سلم هدومه للأرض خلاص، الله يسامح اللي كان السبب، كلها اقدار ومكتوبة، هو دخل المستشفى قلبه تعبه، طلع قلب وكبد وكلى ومرئ وكل حاجة، بطل يا حبيبي، أنا محتاسباه عند الله من رجال الجنة واللهي، مكنش بيسيب فرض، كان بس بيدعي ربنا أنه يبلغه رمضان، أنا مؤمنة بقدر ربنا، الفراق وحش قلبي واجعني عليه، بس هو ارتاح، من الناس واللي بيجرى، اللي عايز يخلص من حد عزيز عليه يوديه مستشفى، في دكاترة كويسين بس كمان الله أعلم باللي بيتعمل، اللي حواليه هو اللي مش مرتاحين، سيبت فراغ جامد أوي يا بدر، أخر مرة سجلي دعاء بصوته في الإنعاش، بشكر كل اللي عزوني، عزائي اخدته من أهل الجنة، ربي قدر وما شاء فعل، أعرفوا أن الدنيا قصيرة أوي مهما إن طالت، حبوا بعض مافيش وقت للمشاكل والصراعات، اتقوا الله في نفسكم، قريبة أقرب مما نتخيل، الدنيا مافيهاش أي حاجة".
اللحظات الأخيرة في حياة شقيق فريدة سيف النصر
وكشفت فريدة سيف النصر عن اللحظات الأخيرة في حياة شقيقها، حيث قالت: "بدرأخويا مات أربع مرات جوا الإنعاش، مرة نص ساعة، ومرة 25 دقيقة، ومرة 10 دقايق، وآخر مرة 5 دقايق، ويرجع تاني، عشان كده كنا بنقول هيستنى بس خلاص مقاومته خلصت، كنت بطل يا حبيبي، وصعب أنك تتنسي، أنا بعزي نفسي وبعزي صحابه وولاده ومراته الست المحترمة هالة اللي مسابتهوش لحظة، كلنا في ثواني في التراب وياريت عارفين امتى”.
