بعد شائعة الوباء الجديد
دول كذابين.. فريدة سيف النصر تطالب بغلق حسابات مروجي الشائعات
ناشدت الفنانة فريدة سيف النصر وزارة الداخلية بغلق حسابات مروجي الشائعات على مواقع التواصل الإجتماعي، وذلك بعد نفي وزارة الصحة لوجود وباء جديد، وقد نشرت منشورًا عبر حسابها الرسمي على موقع تبادل الصور والفيديوهات إنستجرام.
“أين مباحث الإنترنت؟”
حيث قالت فريدة سيف النصر في منشورها: “مباحث الانترنت انتم فين بقى، ده وقتكم علي فكرة، الناس إياهم الله لا يكسبهم البلد هاتقوم تشتغل مايعجبهمش اكيد، مسكوا ليلي عبداللطيف المشكوك فيها اصلا لما قالت كورونا تاني، وشغالين اشاعات اقفلوا المدارس، وبالمرة اقتلوا القطط والكلاب، ده انتم مش هاتشوفوا خير وكلامهم هو هو وتمثيل ردئ علي فكرة، في اثيوبيا قالوا خفافيش يا هانم ومابندخلهمش، وكمان وزارة الصحة عاملة الواجب، وكفاياكم بقي تعددت الاسباب والموت واحد، انتم بتوقفوا حال البلد منكم لله، مافيش أكتر من الأطفال في عيلتنا سخونة أو اسهال وبتعدي، عندكم ماعدتش ازاي، النظافة مهمة وسيبونا في حالنا بقي هو انتم ايه مابتزهقوش، وخليكم ورا الدجالين، لا يعلم الغيب الا الله، وتاني مباحث الانترنت اقفلوا حساباتهم دوول كذابين اوي، وبيسخنوا الناس واللي بيرد عليهم تبعهم، أن المنافقين في الدرك الاسفل من النار، عايزينها خراب المدارس والأعمال والسياحة ما انتم بتقبضوا، منكم لله”.
فريدة سيف النصر تعتذر عن المشاركة في مسلسل علي كلاي
في سياق منفصل، قد أكدت الفنانة فريدة سيف النصر أنها لن تشارك في سباق رمضان 2026 بعدما اعتذرت عن المشاركة في مسلسل علي كلاي رفقة النجم أحمد العوضي ، بسبب حالتها النفسية التي تمر بها حاليا .
وكتبت فريدة سيف النصر عبر حسابها الرسمي علي موقع التواصل الاجتماعي فيس بوك: "على فكرة ناس ع الخاص بتقولي مش عايزين نحرجك.. بس لو جالك شغل هاتشتغلي .. حبايبي أنا صادقة مع نفسي ومع اللي حواليا.. ما ليش نفس لحاجه.. مثلا أنا بتعلم أكون قد كلمتي ولكن كله نصيب، بحب العوضي جدا وكان ممكن أبقى معاه في كلاي، نصيبي بقي.. ربنا يوفقه ياااااارب. وكمان حسين المنياوي مع النجمة التونسية الكبيرة هند صبري.. ست الحسن نصيبي. كده.. والحمد لله".
وأضافت: "كنت دائما أعاني من إنى مش عارفه أخرج أي شخصية عملتها بسهولة، لكن المرة دي مش عارفة أدخل بروحي لأي شخصية روحي مش موافقة تنسي حاليا، وأنا اتعودت ما كذبش على حد ولا نفسي ومن عشقي لشغلي ولكن مش هكون صادقة.. برغم إني في أشد الحاجة للخروج من جوه نفسي.. لكن نصيب والحمد لله على كل اللي يجيبه أنا راضية لكن غصب عني راح مني غالي أوي لا يعوض".
واختتمت: “حبيت أشكر المحترم المنتج الفني أستاذ هاني عبد الله اللي عملت معاه عملة نادرة.. والحقيقة هو العملة النادرة دي شكرا لاهتمامه وأدبه وأخلاقه العالية وسامحني مش قادرة حتى أعتذر واتناقش ما فينيش نفس ومعنديش نفس.. نصيبي كده.. ياااارب بالتوفيق...للكل.. قدر الله وما شاء فعل.. شكرا”.
