ليه بيتعمل معايا كده.. فريدة سيف النصر تثير الجدل بسبب تجاهلها فنيًا
أثارت الفنانة فريدة سيف النصر الجدل بعدما نشرت منشورًا عبر حسابها الرسمي على موقع التواصل الإجتماعي فيسبوك، وقد كشفت من خلاله عن تجاهلها في الأعمال الفنية مؤخرًا وعن استغرابها لموقف المنتجين.
فريدة سيف النصر تثير الجدل
حيث قالت فريدة سيف النصر في منشورها: “ليه بيتعمل معايا كده، لغز يحير مش فاهماه، لا وأنا باصدق ومستنية علشان نعمل مفاجأة ونكتب وهانقعد سوا وانا هاجي لحد عندك، ماتقوليش لحد، انتي مفاجأه وهانكسر الدنيا، أنتي محبوبة، وفي الآخر حاجات مش مفهومة، وتصرفات اغرب، ايه هو أنا اللي دورت عليك ماانت اللي اتكلمت وحجزت خساره، لا وانا من هبلي لسه بيتهيألي أنه عامليني مفاجأة، وانا نفسي هاتفاجئ، ولو الشغل كمل هايبعته كله اكيد، وليه مصدقاه أو باصدق الناس، خلاص كل ده مايهمنيش أنا مش خسراانة غير اني اعتذرت كتير، اصلي معرفش اعمل حاجتين طول عمري باركز واديت كلمة، اللي عايزة اعرفه ليه، طيب اديني فرصة نتخانق مثلا نختلف فمزعلش، عيب عيب كل مكالمة أذوق من اللي قبلها وماقطعش أو قال خلاص مثلا لكن مثبتك بأحلي كلام فني طبعا، وانا مكملة هبل ومصدقة، طيب ليه بتنيمني مثلا عشان ماشتغلش ده يرضي ربنا وبردو ليه، لا حول ولا قوة إلا بالله، أنا ماعنديش حاجه إلا شغلي، أنا مش زي اي حد، ماعنديش صداقات ولا دعم، انا من البيت للكبارية ومن الكبارية للبيت هههههه، حقيقي مش فاهمة ولازم لازم افهم ليه، ماحدش يكلمني عن الجدعنة خالص ماسمعش صوت، والمرة الجاية هاخد بالي من الكلام الحلو أوي عيب، وعلشان أنا اللي جدعة لأني عملت نفسي بشغلي مشواري مش سهل حرب ولا يكونوا بيحاربوا جيوش المغول، يعني مانجحتش بالسهل، وأمي قالت لي خلي بالك اللي يجي سهل يروح اسهل، ووالله ماهاقول لأن أنا الجدعة بس افهم ليه ليه تضيعوا مني شغل، أنا كل مقلب والتاني الله وكيلي، ولقد اعذر من انذر، وعجبي”.
فريدة سيف النصر تعتذر عن المشاركة في مسلسل علي كلاي
في سياق منفصل، قد أكدت الفنانة فريدة سيف النصر أنها لن تشارك في سباق رمضان 2026 بعدما اعتذرت عن المشاركة في مسلسل علي كلاي رفقة النجم أحمد العوضي ، بسبب حالتها النفسية التي تمر بها حاليا .
وكتبت فريدة سيف النصر عبر حسابها الرسمي علي موقع التواصل الاجتماعي فيس بوك: "على فكرة ناس ع الخاص بتقولي مش عايزين نحرجك.. بس لو جالك شغل هاتشتغلي .. حبايبي أنا صادقة مع نفسي ومع اللي حواليا.. ما ليش نفس لحاجه.. مثلا أنا بتعلم أكون قد كلمتي ولكن كله نصيب، بحب العوضي جدا وكان ممكن أبقى معاه في كلاي، نصيبي بقي.. ربنا يوفقه ياااااارب. وكمان حسين المنياوي مع النجمة التونسية الكبيرة هند صبري.. ست الحسن نصيبي. كده.. والحمد لله".
