بعد جدل الأعلى أجر والأكثر مشاهدة.. فريدة سيف النصر تخرج عن صمتها
خرجت الفنانة فريدة سيف النصر عن صمتها، لتعلق على كافة التعليقات المتبادلة بين بعض الفنانين حول جدل الأكثر مشاهدة والأعلى أجر، وذلك من خلال منشور عبر حسابها الرسمي على موقع التواصل الإجتماعي فيسبوك.
منشور فريدة سيف النصر
وقالت فريدة سيف النصر في منشورها: “طول ما انا بالتصوير أنا فنانة، طالما مابصورش أنا زيي زيكم، و كجمهور باقول والله العظيم زهقت من وصلات الردح، وتلقيح كلام، والطلاق والجواز، أنا جايلي اشتغل مع ناس شغلهم هو اللي بيتكلم عنهم لحد دلوقتي، وعايش، ناس لما نجيب سيرتهم مانلاحقش علي كم الافلام والمسرحيات والمسلسلات اللي للنهارده مكسرة الارض، ناس عملوا تاريخ طويل مش من أول عشر أفلام مثلا ولا عشر مسلسلات كمان، هانقعد نقطع في بعض، ناس عملت نفسها من غير مساعدات تاني من غير ولا زقة، والله زهقنا والناس بقت تهاجمنا بجد حتي هما بقوا يلقحوا والواحد حزين عاللي بقينا فيه، والمثل بيقول قال يافرعون ايه فرعنك قال مالقيتش حد يلمني، عندي سؤال هو محمد رمضان هايقضيها غناء، ولا كريم عبد العزيز وعز والسقا اعتزلوا ولا ايييييييييه حد يفهمني، وعجمي”.
فريدة سيف النصر تعتذر عن المشاركة في مسلسل علي كلاي
في سياق منفصل، قد أكدت الفنانة فريدة سيف النصر أنها لن تشارك في سباق رمضان 2026 بعدما اعتذرت عن المشاركة في مسلسل علي كلاي رفقة النجم أحمد العوضي ، بسبب حالتها النفسية التي تمر بها حاليا .
وكتبت فريدة سيف النصر عبر حسابها الرسمي علي موقع التواصل الاجتماعي فيس بوك: "على فكرة ناس ع الخاص بتقولي مش عايزين نحرجك.. بس لو جالك شغل هاتشتغلي .. حبايبي أنا صادقة مع نفسي ومع اللي حواليا.. ما ليش نفس لحاجه.. مثلا أنا بتعلم أكون قد كلمتي ولكن كله نصيب، بحب العوضي جدا وكان ممكن أبقى معاه في كلاي، نصيبي بقي.. ربنا يوفقه ياااااارب. وكمان حسين المنياوي مع النجمة التونسية الكبيرة هند صبري.. ست الحسن نصيبي. كده.. والحمد لله".
وأضافت: "كنت دائما أعاني من إنى مش عارفه أخرج أي شخصية عملتها بسهولة، لكن المرة دي مش عارفة أدخل بروحي لأي شخصية روحي مش موافقة تنسي حاليا، وأنا اتعودت ما كذبش على حد ولا نفسي ومن عشقي لشغلي ولكن مش هكون صادقة.. برغم إني في أشد الحاجة للخروج من جوه نفسي.. لكن نصيب والحمد لله على كل اللي يجيبه أنا راضية لكن غصب عني راح مني غالي أوي لا يعوض".
واختتمت: “حبيت أشكر المحترم المنتج الفني أستاذ هاني عبد الله اللي عملت معاه عملة نادرة.. والحقيقة هو العملة النادرة دي شكرا لاهتمامه وأدبه وأخلاقه العالية وسامحني مش قادرة حتى أعتذر واتناقش ما فينيش نفس ومعنديش نفس.. نصيبي كده.. ياااارب بالتوفيق...للكل.. قدر الله وما شاء فعل.. شكرا”.
