بعد تصالحه مع مجدي كامل.. فادي خفاجة يتوجه بالشكر لأشرف زكي
حرص الفنان فادي خفاجة على التوجه بالشكر للدكتور أشرف زكي بعدما توسط لإنهاء الخلاف القائم بين فادي خفاجة والفنان مجدي كامل، وذلك من خلال منشور عبر حسابه الرسمي على موقع التواصل الإجتماعي فيسبوك.
فادي خفاجة يشكر أشرف زكي
وقال فادي خفاجة في منشوره: “كل الحب والاحترام لاستاذي الدكتور أشرف زكي، لحل القضية بيني وبين الدكتور مجدي كامل، كتب من عندالله التوفيق والصلح، أو لم يكتب، الف شكر يا دكتور، ولكل النقابة، ألف شكر”.
فادي خفاجة يعتذر لـ مها أحمد
قرر فادي خفاجة تقديم اعتذاره للفنانة مها أحمد وزجها مجدي كامل مؤخرًا، وظهر في مقطع فيديو عبر حسابه الرسمي على موقع التواصل الإجتماعي فيسبوك قال فيه: "أستاذة مها والأستاذ مجدي يا رب تكونوا بخير، أنا بعتذر جدًا عن أي حاجة صدرت مني، كنت غلط وأنا غلط وبعترف بغلطي، وكانت لحظة شيطان وغضب وغير إدارك وكانت فترة في حياتي ربنا ما يعودها تاني تعافيت منها بدون تفاصيل، والحمد لله حاليًا حياتي استقرت وبقالي فترة الأمور تمام، وبعدت عن أي حاجة وحشة، وبقول كده علشان اثبت أن دي فترة ربنا ما يعودها بأي المقاييس، أنا آسف حقكم على راسي وأنا تحت أمركم في أي حاجة تأمروا بيها، وفي النهاية أنتم أساتذة، وزي ما بيقولوا العفو عند المقدرة وبشكركم جدًا، ومستعد لأي حاجة تطلبوها لأن ده حقكم عليا وفي الأول والآخر، وأنتم أساتذتي وأنا تحت أمركم في أي حاجة أدبيًا ونفسيًا ومعنويًا وأنا آسف ويارب يعدي الوقت ده على خير ويحنن قلبكم عليا".
تفاصيل خلاف مها أحمد وفادي خفاجة
القصة بدأت عام 2023 في شهر نوفمبر، عندما ظهرت مها أحمد مع فادي خفاجة في بث مباشر عبر تيك توك لكن تطور الأمر لخلاف بينهما، بعدما انفعلت مها على متابعيها والمنتقدين لها بسبب ظهورها على التيك توك، ووصفتهم بالخدمات، وقالت: “يا خدمات كفاية، أي خدامة هتفتح بوقها بالشبشب”.
بعدها ظهر مجدي كامل في فيديو جديد وهاجمها، وقال: “إنتي فين ياللي جوزك دكتور؟ إنتي عملتي إيه في حياتك؟ إنتي معملتيش حاجة خالص ولا اشتغلتي، وعمالة تقولي أنا ابني مع كل الاحترام والتقدير على راسي، بس إنتي بتاجري بيه”.
وأضاف: "هي كانت بتعلمني شرب الخمور، جوزك فين، والشنب ده مجاش من فراغ، لما يتحدف بوسة لواحدة مش هقولك مراتي هقولك تخصني، بذمتك يا دكر ياللي من ضهر دكر ينفع، على الله حكايتك، وكل ست على الأبلكيشن ده تفكر تكتر، هضحك على اللي منها، والله يباركلك يا أبويا إنك ربيت رجالة".
فادي خفاجة يخلع ملابسه
في نفس الفيديو فاجأ فادي خفاجة متابعيه وقام بخلع التيشرت وقال:"واللي يفتح عليا لايف قوله ابن سيد خفاجة هيفتح عليك بلد".
