للمرة الأولى.. بشرى تكشف عن سبب انفصالها عن نجل محمود حميدة
كشفت الفنانة بشرى للمرة الأولى عن سبب انفصالها عن زوجها خالد حميدة نجل الفنان محمود حميدة، وذلك من خلال تصريحاتها في برنامج ورقة بيضا الذي تقدمه الإعلامية يمنى بدراوي.
سبب انفصال بشرى عن خالد حميدة
حيث قالت بشرى: “أولًا أنتوا حاسبينها غلط، أحنا فضلنا متجوزين سنة ونص، أنتوا حسبتوا من يوم حفل الزفاف بس، أما عن سبب الانفصال، فالعلاقات اللي في بلدين مختلفين صعبة مش سهلة، هو في بلد تانية، وأنا عندي ولادي هنا مش هعرف أسيبهم، وفعلا كان في حب واحترام ودعم، لكن ظروف المسافات بجانب أولويات الحياة، يعني أنا واصلة لمرحلة في حياتي أولولياتي مختلفة، هو مازالت أولوياته العمل الشديد والدأب في العمل، أنا عايزة أعيش أنا قولتها بمنتهى الأمانة أنا ست في مرحلة في حياتي انجزت ونجحت وعملت اللي المجتمع عايزه وبقيت أم، وحقه أنه يكون عايز ينجح ويكبر بس كل واحد هيكون له طريق مختلف وهنفضل حبايب وصحاب، أحنا حاولنا وكان عندنا أمل أننا هننجح، بس هحاول أكتر مع مين اللهو الخفي، هو مش موجود ليا ولا أنا موجودة له، بس في الأخر محصلش نصيب وخلاص”.
أسرار في حياة بشرى الشخصية
وفي سياق متصل، قد كشفت الفنانة بشرى العديد من الأسرار في حياتها الشخصية، وذلك خلال لقائها، حيث قالت بشرى:“سيبت البيت، وأنا عندي 23 سنة، ووالدي كان متفهم أكثر من والدتي، وعندي عيلة احتضنتني .. بس خدت القرار، لإني كنت عاوزة أعيش حياة مستقلة مكنتش عاوزة حد يفرض عليا رأيه في البيت، وعاوزة أخوض تجربتي بطريقتي ماما طيبة وداعمة جدا، بس كانت صارمة .. فقلت خلاص بقى أنا هتحرر”.
عدم ترشيح بشرى لأي عمل فني
بجانب أنها تساءلت خلال لقائها، عن سبب عزوف المنتجين والمخرجين عن ترشيحها لأعمال فنية منذ فترة، خاصة بعد توليها إدارة المهرجانات والإنتاج، وقالت بشرى عن سبب عدم خوضها السباق الرمضاني كل موسم رمضاني: اسألوا المسؤولين عن الإنتاج الرمضاني، أنا بسأل نفس السؤال.. أنا ليه مستثناه ومجنبني من الترشيحات، وهل أنا بأُرشح وولاد حلال عندهم حاجات كيدية جواهم علشان أنا دخلت في الإنتاج وإدارة المهرجانات بيحاربوني بشكل غير مباشر أو من تحت لتحت".
