بشرى: انسحبت من مهرجان الجونة لأنه بدأ يقلب بيزنس.. والبعض استكتر عليا النجاح
كشفت الفنانة بشرى الأسباب الحقيقية وراء اعتذارها عام 2022، عن استكمال رحلتها في مهرجان الجونة السينمائي، بعد 7 سنوات من العمل المستمر، حيث كانت تتولى رئيس العمليات.
وقالت بشرى في لقائها مع الإعلامية يمنى بدراوي في برنامج ورقة بيضا: قررت انسحب لما لقيت الموضوع مبقاش شبهي في حاجة، ولقيت الموضوع بدأ يقلب بيزنس والمود العام مبقاش شبهي، وده كان قرار في صعوبة مشهد من فيلم من تسألني من أنا وهي بتسيب بنتها عند مديحة يسري، أنا ست واضحة مع نفسي ومش بعرف أشتغل في مكان مش مبسوطة فيه ومش مرتاحة فيه، وبدأت احس انهم بدأوا يستكرتوا عليا نجاحي، مش أشخاص بعينهم، ولكن شركات وبني آدمين وناس كتير وبعض الزملاء مش كلهم، لأنهم كانوا متخيلين إني السبب وراء عدم دعوتهم للمهرجان، وأنا لو مكانهم هفكر نفس التفكير وده مش حقيقة".
وكشفت بشرى أن بعض الفنانين لهم الحق من الاستياء من عدم دعوتهم: “فيه فنانين وصناع ورا الكاميرا مش بيتم دعوتهم، والكم الأكبر للبلوجر، لكن المهرجان الأساس فيه لأصحاب المهنة، مش المهن المجاورة أو المكملة، وطبعا في ناس لازم تضايق وأنا بما إني حاليًا مش مسوؤلة بقول أن عندهم حق في جزء كبير من هذا الاعتراض”.
