الحب عند المصريين القدماء.. ياسمين عز: «قومي حنطي جوزك يا مدام»
علقت الإعلامية ياسمين عز في برنامجها «كلام الناس» على قناة MBC مصر، على الأجواء الفرعونية المصاحبة لافتتاح المتحف المصري الكبير، قائلة: «بمناسبة الأجواء الفرعونية اللي إحنا فيها.. قومي حنطي جوزك يا مدام، مفيش أحسن من الوقت ده عشان تحنطي حتة الآثار اللي عندك».
ياسمين عز: حنطي جوزك
وأضافت ياسمين عز: «شوية شاش وملح وخل ونطرة زعفران وأسمنت، وانثري عليهم شوية تراب هيديكي نفس لون الآثار، وقعديه على كرسي في نص الصالون، وانتي بتحنطيه متنسيش تكتمي بوقه بقماشة شاش ممزوجة بليمون وخل، وده بوقه اللي مكنش بيقولك بيه ولا كلمة حلوة».
واستكملت الإعلامية حديثها: «وتيجي الأجيال اللي بعدك يتفرجوا على جوزك المتحنط، ويبقى دخل ليكي وانتي وولادك، هو أحمس أحسن من جوزك في إيه؟ واحد اتجوز كليوباترا، وجوزك اتجوز كيلوبامية، بس هي مش بالوزن.. هي بالتقدير».
في سياق متصل، قالت الإعلامية ياسمين عز خلال برنامجها «كلام الناس» المذاع عبر قناة MBC مصر، تعليقا على تغيير التوقيت الصيفي إلى الشتوي، إن على السيدات تفعيل «الصوت الشتوي» والنعومة الشتوية.
وأضافت عز: «اعملي طبق مهلبية سخنة ورشي عليه شوية زبيب لجوزك، وماتسأليش هو التوقيت اتغير يعني نقص ولا زاد.. دي شكليات، كل اللي يهمك إن في ساعة زيادة في اليوم هتقضيها مع جوزك فرعونك حبيبك، وتقدري تعملي فيها حاجة جديدة».
وختمت حديثها قائلة: «وانتي بتظبطي التوقيت الشتوي النهاردة، ماتنسيش تفعلي كمان صوتك الشتوي».
وفي نفس السياق أكدت الإعلامية ياسمين عز ، أن مصر تستعد حاليًا لواحد من أفخم الأحداث في تاريخها الحديث، وهو افتتاح المتحف المصري الكبير، الذي وصفته بأنه "حدث عالمي بكل المقاييس".
ولفت ياسمين عز إلى أن عظمة المتحف المصري الكبير تكمن في كونه الأول من نوعه في العالم، إذ سيضم أكثر من 100 ألف قطعة أثرية تمثل مختلف عصور الحضارة المصرية، بجانب مجموعة الملك توت عنخ آمون الكاملة، التي سيتم عرضها لأول مرة منذ اكتشافها.
وختمت حديثها قائلة إن مصر تكتب فصلًا جديدًا من تاريخها الثقافي، وتُثبت مرة أخرى أنها قلب الحضارة وواجهة العالم في الفنون والتراث.
