بعد الضرب والطلاق ومحاضر الشرطة.. عودة إسماعيل الليثي لزوجته شيماء سعيد|تفاصيل
فاجئ المطرب إسماعيل الليثي زوجته شيماء سعيد بحضوره حفل عيد ميلادها، الذي أُقيم مساء أمس، وقد أحضر لها هدية قيمة من الذهب، وأهدى لها أغنية باسمها، ليعلن بذلك عودتهما مجددًا بعد الطلاق ومحاضر الشرطة التي أثارت الجدل مؤخرًا.
وقد انتشر مقطع فيديو لهما وهو يعطي لها الهدية عبر مواقع التواصل الإجتماعي، وتفاعل الجمهور مع تلك الفيديو، معربين عن سعادتهما بعودة هذا الثنائي من جديد.
انفصال شيماء سعيد عن زوجها إسماعيل الليثي
في سياق متصل، قد نشرت الميك أب أرتيست شيماء سعيد مؤخرًا، فيديو لها تعلن فيه عن انفصالها الرسمي عن الفنان إسماعيل الليثي، وأخذ بعض الإجراءات القانونية بعد الأزمة الأخيرة التي حدثت بينهما ووصلت إلي تعدي الأخير عليها بالضرب وسرقتها وخطف بناتها.
تفاصيل أزمة شيماء سعيد وإسماعيل الليثي
وسبق وكشفت شيماء سعيد، طليقة إسماعيل الليثي، عن تفاصيل أزمتها مع الليثي، لافتة إلى أنه حرمها من حقوقها، وقالت شيماء سعيد في لايف لها عبر موقع تيك توك : “عايزة أعيش باحترام وأدب .. أنا واحدة بشتغل .. وكنت بروح البيت أشتغل .. أقسم بالله أنا عايزة أعيش أقل من الناس العادية”.
وأكملت : “أقسم بالله كنت بقعد بالـ 3 سنين مش بكشف عند دكتور .. وأنا ست مبحبش الخيانة بكل أنواعها أنا ست بـ 100 ست .. وواحدة ليا حقوقي .. وليا وقت إني أصيف وأخرج مع جوزي وعيالي .. كل ده محرومة منه .. ولا بيخرجني ولا بيعلمي حاجة”.
علاقة شيماء سعيد ووالدة إسماعيل الليثي
وقد خرجت الميك أب أرتيست شيماء سعيد، طليقة المطرب الشعبي إسماعيل الليثي، بعدها للهجوم مجددًا على إسماعيل، حيث روت تفاصيل في علاقتها مع والدته، وتمنت له عدم الراحة في حياته.
وقالت شيماء خلال فيديو متداول لها عبر السوشيال ميديا، متحدثة عن إسماعيل الليثي: “عمري في حياتي ما شتمت أمه لفظ .. وكنت عمري ما برد على كلامها .. وكنت بقعد بالـ 6 شهور مابدخلهمش بيت .. لحد ما إسماعيل ياخدني وأروح أتأسفلها .. وكنت بروح أمد إيدي علشان أسلم عليها تروح باصة الناحية التانية .. واتحرج وأخد بعضي وأمشي”.
مش مسامحاك لحد يوم الدين
وتابعت : “يكش عني ما رجعتله .. وأنا دلوقتي مية فل وعشرة ومعايا بنتين ربنا يخليهم ليا ولأبوهم علشان ده في النهاية أبوهم .. بس بإذنك يارب عمرك في حياتك ما هترتاح .. وأنا مش مسامحاك لحد يوم الدين ولا انتا ولا اللي فرقك عني”.
ربنا ما يريحك لا دنيا ولا آخرة
وتابعت طليقة إسماعيل الليثي، قائلة عنه : “يارب مكان ما تروح ما تلاقي راحة .. وقلبك يولع زي مانتا ولعتلي قلبي .. ويارب تفضل عايش دول عمرك من غير عيل والناس بتتمنى ضفر عيل .. ربنا ما يريحك لا دنيا ولا آخرة".
