شيماء سعيد عن أزمتها مع إسماعيل الليثي: ضربني بشكل هستيري ومعمول لينا أعمال

خرجت البلوجر والميكب آرتيست شيماء سعيد عن صمتها وكشفت تفاصيل الفيديو الصادم الذي نشرته أول أيام العيد، وظهرت فيه منهارة من البكاء واتهمت زوجها المطرب الشعبي إسماعيل الليثي بالاعتداء الجسدي عليها وسرقتها وخطف بناتها.

وكشف شيماء سعيد سبب حذفها للفيديو بعد فترة قصيرة من نشره، قائلة: “معلش أني اتأخرت في الرد، كنت تعبانة، ومرحتش السنتر لحد النهارده، والناس اللي عاوزة تفهم سبب المشكلة، وليه حذفت الفيديو، أنا حذفته لأن والدي حلف عليا أنه ميعرفنيش طول العمر لو محذفتوش، وأنا طول عمري بكبر بأهلي وناسي، ومطيعة ومش بعمل حاجة غير أني بشتغل”.

صعب عليا أطلع بالشكل البشع ده

وأكدت شيماء سعيد أن هذفها لم يكن التريند مثلما اتهما البعض، موضحة: “مش في دماغي تريند، ومحدش يقبل على نفسه بالمنظر البشع ده، وأنتم طول عمركم بتشوفوني حلوة، وأكيد صعب عليا أطلع بالشكل البشع ده”.

كما كشفت شيماء سعيد سبب المشاجرة بينها وبين زوجها إسماعيل الليثي: “صحاب إسماعيل اللي بيكذبوني، أنا مضروبة ومتبهدلة، لأنه اتأخر عليا، كنت مستنياه 2 بليل جالي تمانية الصبح طبيعي أزعل، وكان رايح يدبح قلت له مش هروح في حتة أنت ضيعت اليوم عليا، فخد البنات وراح، ورجع المغرب ودخل نام ولما صحي كان عاوز يتخانق بأي شكل وقال لي أنتي رايحة فين، قلت له رايحة السنتر، وحصلت مشاجرة وضربني ضرب هستيري، وعض في الوش، وإحنا عشنا مع عشر سنين”.

معمول لينا أعمال علشان تدمر لينا حياتنا

وأضافت: “اإحنا معمول لينا أعمال علشان تدمر لينا حياتنا، ويمكن عيشي اتقطع معاه، ومش هدفي التريند خالص لأني موجوعة وجع الدنيا والآخرة، ومحدش حاسس أنا قد إيه شفت مواقف وقصص تقهر وتحزن”.

وعن سبب ظهورها على الملأ والحديث عن مشكلتها بدلًا من طلب مساعدة أسرتها قالت: “بطلع أتكلم معاكم على أنكم أخواتي، ولو مكنتش عملت كده على الملأ مكانوش عيالي ولا عربيتي ولا فلوسي رجعوا، وأقسم بالله ما بكذب”.

كانت شيماء سعيد قد تصدرت التريند خلال اليومين الماضيين، بعدما ظهرت في فيديو صادم أول أيام عيد الأضحى، واستغاثت من زوجها المطرب الشعبي إسماعيل الليثي، حيث اتهمته بالاعتداء عليها وسرقتها وخطف ابنتيها، وقالت في فيديو حذفته لاحقًا وهي تبكي: “ساعدوني يا جماعة إسماعيل ضربني، وخد فلوسي وشقايا كله، وقطع لي جسمي، هاتوا ليا حقي، أنا ساعدتكم كتير اقفوا معايا ..أنا بقالي 10 سنين عايشة في عذاب ومستحملة وساكتة، ولا نافع معاه حكومة ولا أي حاجة، قتلوا ابني وخد بناتي، وتعبت من كتر البنات اللي يعرفها عليا، اقفوا جنبي بالله عليكم".