أول تعليق من شيماء سعيد بعد الفيديو الصادم: أنا مدمَّرة وحسبي الله في كل ظالم

في أول تعليق لها بعد الفيديو الذي أثار ضجة كبيرة، شاركت البلوجر والميكب آرتيست شيماء سعيد زوجة إسماعيل الليثي، فيديو مع ابنتيها كاشفة عودتهما لها بعد اتهامها لزوجها بخطفهما.

كما اعتذرت شيماء سعيد لمتابعيها عن عدم قدرتها على مواصلة عملها، وكتبت في ستوري عبر حسابها على تيك توك: “أنا آسفة يا بنات علشان مواعيد الناس اللي أنا بوظتها، والله أنا مش قادرة أنزل الشغل من يوم أول يوم ولا رحت الثاني واليوم مش قاردة، وإن شاء الله أكون أحسن من كده، والنفسية تكون أحسن”.

وأضافت شيماء سعيد أنها تشعر بالدمار، واعتذرت لمتابعيها عن الفيديو: “أنا مدمرة من كل حاجة بجد، أكيد أنا مش كنت عايزة أطلع بالشكل ده بس أولادي أهم حاجة عندي وربنا على كل ظالم ومفتري، وإن شاء الله الأيام اللي جایة هتشوفوا حد ثاني إن شاء الله، أنا عايزاكم تسامحوني في أي حاجة عملتها علشان أجيب بناتي”.

شيماء سعيد تستغيث من زوجها

كانت شيماء سعيد قد تصدرت التريند خلال الساعات الماضية، بعدما ظهرت في فيديو صادم أول أيام عيد الأضحى، واستغاثت من زوجها المطرب الشعبي إسماعيل الليثي، حيث اتهمته بالاعتداء عليها وسرقتها وخطف ابنتيها.

وقالت شيماء سعيد وهي تبكي: “الحقوني يا جماعة إسماعيل ضربني، وخد فلوسي وشقايا كله، وجسمي كله اتقطع، وعاوزة حد يجيب لي حقي ..أنا بقالي 10 سنين عايشة في عذاب ومستحملة وساكتة، أنا تعبت وعاوزة حقي، ولا نافع معاه حكومة ولا أي حاجة، قتلوا ابني وخد بناتي، وتعبت من كتر البنات اللي يعرفها عليا، اقفوا جنبي بالله عليكم".

تجدر الإشارة إلى أن شيماء سعيد وإسماعيل الليثي كانا قد تعرضا لأزمة مؤلمة بعد فقدانهم لنجلهما رضا الشهير بـ ضاضا والذي لم يتجاوز عمره الثماني سنوات، في سبتمبر عام 2024، وذلك بعد سقوطه من الطابق العاشر.