شريهان أبو الحسن تروي قصة زوجة تعاني من "الاهتمام الزائد": فين مساحتي؟

في طرح غير تقليدي، شاركت الإعلامية شريهان أبو الحسن قصة لفتت انتباه الجمهور، تتعلق بشكوى زوجية من نوع مختلف تمامًا عن المألوف

قالت شريهان خلال برنامجها  "الست ستات"المذاع عبر قناة dmc، إن المعتاد هو أن الزوجات يشتكين من انشغال أزواجهن عنهن، لكن هذه المرة، القصة كانت عن زوجة تتمنى أن "جوزها يسيبها شوية في حالها"، لأنها لا تجد لحظة واحدة لنفسها.

"بيحبها بزيادة.. ومش بيسيبها دقيقة"

وأوضح أن الزوجة، التي تبلغ من العمر 40 عامًا ومتزوجة منذ 15 عامًا، ولديها طفلان، وصفت زوجها بأنه رجل طيب ومحب وناجح في عمله، لكن مشكلتها ليست في تقصيره، بل في تعلقه الزائد بها.

شريهان نقلت عنها قولها: "جوزي ما بيخرجش من غيري، ما بيروحش أي مكان لوحده، حتى لما أزور أمي، لازم يبقى معايا لا مكالمة طويلة أعرف أعملها، ولا خروجة مع صحابي، ولا حتى ساعة أقعد فيها مع نفسي."

وأضافت: "جربت أقوله يخرج مع أصحابه أو يسافر يومين.. مفيش فايدة، دايمًا حابب يكون معايا في كل لحظة، وكأن وجودي لوحدي خطر!"

فين حقي أنا كإنسانة؟

الإعلامية شريهان أبو الحسن طرحت تساؤلات جادة في نهاية الحلقة:
"هل الست ملهاش حق في مساحة شخصية؟ هل لازم الراجل هو اللي يكون عنده وقت لنفسه وهي لأ؟ إمتى هنفهم إن الزوجة، وسط مسؤوليات البيت والعيال والشغل، محتاجة وقت ترتاح فيه، حتى لو نص ساعة بس؟"

الخصوصية مش رفاهية

قصة الزوجة دي، زي ما قالت شريهان، مش عن قلة الحب، لكن عن غيابه في صورته الصحية، فحتى أقرب الناس لبعض محتاجين مساحة بسيطة بينهم، مش علشان يبعدوا، لكن علشان يعرفوا يقربوا من جديد الحب مش بالوجود الدائم، لكن بالراحة اللي بيديها كل طرف للتاني علشان يعيش ويبقى نفسه.

وفي وقت سابق ،أثارت الإعلامية شيريهان أبو الحسن جدلاً واسعاً بعد طرحها تساؤلاً حساساً حول ردود أفعال الزوجات عند الشك في خيانة أزواجهن، خلال   ، وتناولت شيريهان في حديثها ظاهرة مراقبة الزوجات لأزواجهن سرًا، والتفتيش في هواتفهم الشخصية، متسائلة عن مدى مقبولية هذه التصرفات في ظل فقدان الثقة.