لؤي الخطيب: روايات سقوط النظام تتكرر كل 6 أشهر بلا جديد
أكد الإعلامي والمحلل السياسي لؤي الخطيب أن الروايات التي تتحدث عن قرب سقوط النظام أو تعرضه لأزمات حادة ما هي إلا «أسطوانة مشروخة» تُعاد ترويجها بشكل متكرر كل ستة أشهر تقريبًا، مشيرًا إلى أن هذه الدعاية تتكرر بنفس السيناريو ونفس التحليلات، وأحيانًا بنفس العبارات والشخصيات التي تدعي امتلاك معلومات من داخل النظام.
الحقيقة المضحكة
جاء ذلك في تغريدة نشرها الخطيب عبر حسابه الرسمي على منصة «إكس»، حيث قال: «اليومين دول حكاية إن النظام بيعاني أو قرب يقع أو في ورطة، عالية جدًا.. بس لما تركز هتكتشف الحقيقة المضحكة: الموسم ده بيتكرر كل 6 شهور تقريبا في آخر سنتين تلاتة.. هو نفس الطقم بنفس الابقاق اللي بتتقال بنفس الأخبار والتحليلات الدوارة، بنفس 'المصادر' اللي بتتكلم من جوا النظام مع إعلام الإخوان عن الخناقات والمشاكل، بس يا حرام مش عايزة تكشف عن نفسها علشان خايفة!».
وأضاف الخطيب في تغريدته: «آند جيس وات؟.. كل مرة العبط ده بينتهي لما بيحصل حدث كبير زي الكلام عن التهجير، والنظام -اللي المفروض انه في ورطة وهيقع- بياخد دعم مهول من الشعب اللي المفروض كان هيوقعه وكده!».
واختتم الإعلامي تغريدته بتوجيه تساؤل ساخر: «مابتزهقوش يا جماعة؟»، في إشارة إلى استمرارية هذه الحملات الإعلامية التي لم تحقق أي نتائج فعلية في المساس باستقرار النظام.
مصدرًا حقيقيًا للطمأنينة
في سياق آخر، كان قد أكَد الإعلامي والمحلل السياسي لؤي الخطيب أن صفحة وزارة الداخلية باتت تمثل مصدرًا حقيقيًا للطمأنينة لدى المواطنين، ليس فقط بسبب سرعة تفاعلها مع القضايا والظواهر المثيرة للقلق، بل لأنها تلعب دورًا محوريًا في تعزيز الردع المجتمعي عبر إظهار عواقب التجاوزات مهما بدت بسيطة.
قال الخطيب، في تغريدة له عبر حسابه الرسمي على منصة "إكس": "قريت بوستات لناس كتير بتتكلم عن صفحة وزارة الداخلية، وازاي هي بقت مصدر اطمئنان نتيجة تفاعلها مع الترندات اللي بتقلق الناس.. قريت الكلام ده تحديدا بعد القبض على الشبح الخِطر "شهاب اللي من عند الجمعية"!".
تعزيز حالة الردع
وتابع: "الكلام ده صح تماما، بس الصفحة دي كمان بتساهم في تعزيز حالة الردع، لإن كل واحد شبه "شهاب اللي من عند الجمعية" لما يشوف اللي حصل له، هيفكر ألف مرة قبل ما يقل أدبه على الناس، والواد اللي كسّر لمبة القطر هيفكر ألف مرة قبل ما يمد إيده على ممتلكات عامة، وغيره وغيره".
واختتم الإعلامي والمحلل السياسي لؤي الخطيب تغريدته قائلًا: "شهاب واللي زيه محتاجين يتأكدوا بالدليل العملي إن تصرف يبان صغير، ممكن يعمل لهم مصايب كبيرة.. وأنا حقيقي مش فرحان في عيل صغير ولا شمتان فيه، لكن فرحان جدا إن هو واللي زيه يعرفوا إنها مش سايبة، فيكفوا أذاهم عن الناس، وهو المطلوب".
