شكرا على الدعم والثقة .. خالد عبد الفتاح مودعا جماهير الأهلى
تحدث خالد عبدالفتاح، لاعب الأهلي السابق، وسيراميكا كليوباترا الحالي، عن كواليس مشواره مع النادي الأهلي، وودّعه برسالة مؤثرة، مؤكدًا اعتزازه بكل لحظة ارتدى فيها قميص النادي، داخل الملعب وخارجه.
كتب عبر خاصية "الاستوري" على حسابه الرسمي بموقع تبادل الصور والفيديوهات "إنستجرام": "تشرفت بارتداء تيشرت النادي الأهلي الفتره اللي فاتت وتعلمت من كل لحظة شاركت فيها داخل وخارج الملعب".
وأضاف خالد عبد الفتاح : "شكرًا لجمهور الأهلي على الدعم والثقة والتشجيع في كل لحظة، وهفضل دايمًا فخور بالفترة اللي قضيتها في الأهلي، ومن أول لحظة ليا في الأهلي، كنت حاطط قدامي هدف واحد، إني أبذل أقصى جهدي وأدي كل اللي عندي علشان أكون على قد الثقة اللي النادي وجمهوره العظيم حطوها فيا".
وتابع قائلا : "يمكن الظروف أحيانا ما بتكونش كاملة، لكني كنت دايما بحارب في الملعب وبدي كل نقطة عرق بإخلاص كل الشكر لإدارة النادي الأهلي، الجهاز الفني، واللاعبين على كل لحظة شاركناها سوا، وأتمنى لكم مزيد من البطولات والنجاحات المرحلة الجاية إن شاء الله خطوة جديدة وتحدي جديد، أسأل الله التوفيق فيها، وإنها تكون بداية لمزيد من التطور".
