كان معدى صدفه..محافظ الدقهلية يتدخل لإنقاذ مصابين فى حادث بلقاس

أثناء جولته في مدينة بلقاس، صادف اللواء طارق مرزوق محافظ الدقهلية، حادث تصادم بين توكتوك ودراجة نارية، وعلى الفور نزل من عربيته وتدخل بنفسه لمتابعة الموقف.

محافظ الدقهلية لم يكتفى بالمشاهدة، ولكن طلب بسرعة استدعاء الإسعاف، وظل منتظرا في مكان الحادث لوقت وصول الإسعاف، وقام بالاطمئنان بنفسه على المصابين وتأكد أنهم وصلوا المستشفى لتلقى العلاج اللازم.

وأكد “مرزوق” وقت الحادث على أهمية الالتزام بقواعد المرور علشان نحافظ على أرواح الناس، وقال إن الحوادث دي بتحصل بسبب الإهمال وعدم الالتزام، ولازم كلنا نكون مسؤولين.

الجولة دي كانت ضمن تحركات المحافظ لمتابعة أوضاع المدينة على الطبيعة، واللي دايمًا بيأكد فيها على الاستجابة السريعة لأي موقف يخص الناس.

وأهالي المنطقة شكروا المحافظ على موقفه، وقالوا إن وجوده وقت الحادث خفف عن المصابين، وخلّاهم يحسوا إن في مسؤولين بيهتموا بجد