إفطار النهاردة.. طريقة عمل الكفتة المشوية في الفرن والحلو قطايف عصافيري بالقشطة والفستق
في اليوم الـ 11 من شهر رمضان الكريم تحتار الكثير من ربات المنزل في تقديم واختيار منيو الإفطار، فيقدم لكم موقع نيوز رووم بعض الاختيارات التي يمكنك تقديمها في سفرة إفطار اليوم وتقديمها لأفراد أسرتك.
طريقة عمل الكفتة المشوية في الفرن
المقادير:
• 1 كيلو لحمة مفرومة ناعمة مع الدهن
• 2 حبة بصل مبشورة ناعم ومصفاة من الماء
• 4 فصوص ثوم مهروس
• 1 ملعقة كبيرة سبع بهارات
• 1 ملعقة صغيرة ملح
• 1 ملعقة صغيرة فلفل أسود
• 1 ملعقة صغيرة زنجبيل مطحون
• 1 ملعقة صغيرة قرفة
• نصف ملعقة صغيرة بيكنج صودا (أو 1 ملعقة صغيرة بيكنج باودر)
طريقة التحضير:
1. في وعاء عميق، اخلطي اللحمة مع البصل المبشور والثوم المهروس والتوابل كلها.
2. أضيفي البيكنج صودا وقلّبي الخليط كويس جدًا لحد ما يمتزج تمامًا.
3. غطي الخليط وسيبيه يرتاح في التلاجة لمدة 30 دقيقة عشان النكهات تتداخل.
4. شكّلي الكفتة حسب رغبتك سواء على شكل أصابع أو أقراص.
5. رصيها في صينية فرن مدهونة بقليل من الزيت.
6. سخني الفرن على 200 درجة، وادخلي الكفتة لمدة 25 - 30 دقيقة مع التقليب في منتصف الوقت عشان تتحمر من كل الجوانب.
7. قدميها سخنة مع عيش بلدي وسلطة طحينة.
طريقة عمل قطايف عصافيري بالقشطة والفستق
المقادير:
• 20 قطعة قطايف
• 1 كوب قشطة بلدي أو قشطة طازجة
• 2 معلقة كبيرة سكر بودرة
• 1 معلقة صغيرة ماء زهر "اختياري"
.نصف كوب فستق مجروش
• شربات "قطر" بارد
طريقة التحضير
1. في بولة، اخلطي القشطة مع السكر البودرة وماء الزهر، وقلبيهم كويس.
2. امسكي كل قطعة قطايف واقفليها من نصفها بحيث تبقى مفتوحة من الجهة التانية.
3. احشيها بالقشطة بكمية مناسبة، ورشي عليها الفستق المجروش.
4. ممكن ترشي عليها شوية شربات بارد أو تسيبيها من غير شربات حسب الرغبة.
5. قدميها فورًا واستمتعي بألذ طعم.
