محلل سياسي: 30 يونيو فوّضت قائد الجيش لإنقاذ مصر من حكم خيرت الشاطر
أحيا الإعلامي والمحلل السياسي لؤي الخطيب، ذكرى ثورة 30 يونيو بتغريدة لخصت اللحظة الفارقة التي خرج فيها المصريون بالملايين لتكليف قائد الجيش، الذي لم يكونوا يعرفونه عن قرب، لكنهم وثقوا في المؤسسة العسكرية التي أنقذت البلاد من حكم الجماعة.
وقال الخطيب، في تغريدة له عبر حسابه الرسمي على منصة "إكس": "30 يونيو.. ذكرى نزول المصريين بالملايين، لتكليف قائد الجيش اللي كانت لسه معرفتنا بيه سطحية جدا لكن ثقتنا في المؤسسة نفسها دايما بلا حدود، علشان ينقذ البلد من خيرت الشاطر بصفته مدير رئيس الجمهورية! كل سنة وحضراتكم طيبين".
في سياق آخر، كان قد أكد الإعلامي والمحلل السياسي لؤي الخطيب، إن دفاعه عن الفريق كامل الوزير، وزير النقل، ليس دفاعًا شخصيًا، بل هو دفاع عن المنطق والعدل في التعامل مع مسؤول يؤدي واجبه بشهادة الواقع، في مواجهة ما أسماه بـ"خلط الأوراق والابتزاز والتصيد الشعبي والإلكتروني".
وقال الخطيب، في تغريدة عبر حسابه الرسمي على منصة "إكس": "هو أنا بدافع عن الفريق كامل الوزير؟.. هو يستحق الحقيقة الدفاع عنه، علشان اللي حصل في منظومة النقل، واللي بيحصل حاليا في الصناعة غير مسبوق في الملفين، وأبسط متابعة تقول ده، فصدقني أنا مش هتكسف ولا أخاف أقول إني بدافع عنه!بس فعليا، أنا مش بدافع عنه كشخص ماتجمعنيش بيه أي معرفة شخصية، ولكن هو دفاع عن المنطق في مواجهة خلط الأوراق، وأبسط درجات المنطق بتقول إن اللي بيعمل صيانة للطريق مش مسؤول عن اللي كاسر كل قواعد المرور والمنطق وهو سايق عليه، اللي هو سلوك متجذر عندنا مهما شددت العقوبات مش هتعرف تنهيه في يوم وليلة".
لؤي الخطيب: كامل الوزير ليس هو المسؤول عن "سلوك مجنون" على الطريق
وأضاف الخطيب قائلًا: "مش دفاع عن الفريق كامل الوزير، ولكن حفاظ على حالة التقدير المستحقة والواجبة لأي مسؤول بيشتغل، علشان احنا شوفنا ياما وجربنا كتير يعني ايه مسؤول مايشتغلش أو يبقى كل همه ازاي يفضل في المنصب ومش مهم أي حاجة تانية..حضرتك بتهاجمه علشان ده رأيك الموضوعي، أو بتهاجمه علشان تلم لايكات، أو بتهاجمه علشان تبتز الدولة لأي سبب مالوش علاقة بيه، أو بتهاجمه علشان تظهر.. كل ده لا يعنيني، لكن يعنيني إن اللي بيشتغل بضمير يحس بالتقدير فيكمل بنفس الحماس".
