محافظ الجيزة ورئيس الإدارة المركزية يتفقدان امتحان التاريخ للثانوية الأزهرية
تفقد المهندس عادل النجار، محافظ الجيزة، والشيخ أيمن عبود، رئيس الإدارة المركزية لمنطقة الجيزة الأزهرية، صباح اليوم الأحد، سير امتحانات الشهادة الثانوية الأزهرية.
شملت الجولة تفقد لجنة معهد كرداسة الأزهري، حيث اطمأن المحافظ على انتظام العمل باللجان وتوافر التسهيلات اللازمة وتواجد الزائرة الصحية للتعامل مع أي حالات طارئة.
تباين الآراء حول امتحان التاريخ لـ الثانوية الأزهرية 2025
تباينت آراء طلاب الشهادة الثانوية الأزهرية، حول امتحان مادة التاريخ بين السهولة والصعوبة.
وقال أحد الطلاب: «بجد الامتحان مليان وكل سؤال في فكره مفيش سؤال سهل مش عارف امتحان العام جاي سهل عن بتاع الأزهر»، وقال آخر: «مفيش ولا نقطه جايه مباشر خالص غير بتاع حكام مصر».
بينما قالت إحدى الطالبات: «احنا اصلا مش مطالبين بالتاريخ ماده التاريخ دي مش بتفيد باي حاجة ما اعرفش احنا ليه بندرسها أصلا حتى اللي بناخده الاجيال اللي بعدنا بتاخدها هي هي نفس كل حاجه فيها ما فيش حاجه فيها تقدم ولا اي حاجه مثلا جغرافيا بتعرفنا بلدنا وحتتنا ومكاننا وتعرفنا حاجات مفيده مش زي التاريخ عمري ما استفدت منه بحاجه والامتحان صعب صعب صعب صعب صعب صعب فوق ما تتخيله أنا ذاكرت وما فيش حاجه من اللي أنا ذاكرتها جت في الامتحان وأسئلة كمية كبيرة من الأسئلة احنا لو ذكاء اصطناعه هيزهق من الأسئلة دي ولجنه وحشه جامد جامد جامد وحلاوته في المواد الشرعية يعني بيعرفنا دينا و الكلام دا اللي خلاني اتعلق ب الأزهر المواد الشرعية لكن في الامتحانات وحشه جدا جدا جدا اصعب من العام بكتير».
فيما قالت أخرى: «هو كان صعب شوية بس أغلبه من الامتحان و الأسئلة اللي كانت نازله»، وكتب آخر: «الامتحان كويس جداً في المتناول بصراحه على الطالب اللي مذاكر واللي حل بطريقة النظام الجديد والأفكار اللي فيه مش صعبة تقدر بالاستبعاد تخرج الإجابة الصحيحة».
وعقب أحد معلمي التاريخ: «الامتحان كويس جدًا ومتوازن مبروك لكل طالب ذاكر واجتهد واشتغل علي نفسه وتدرب علي النظام الجديد، متسمعوش كلام حد يقلك الامتحان كان وحش».
