تباين الآراء حول امتحان التاريخ لـ الثانوية الأزهرية 2025
تباينت آراء طلاب الشهادة الثانوية الأزهرية، حول امتحان مادة التاريخ بين السهولة والصعوبة.
وقال أحد الطلاب: «بجد الامتحان مليان وكل سؤال في فكره مفيش سؤال سهل مش عارف امتحان العام جاي سهل عن بتاع الأزهر»، وقال آخر: «مفيش ولا نقطه جايه مباشر خالص غير بتاع حكام مصر».
بينما قالت إحدى الطالبات: «احنا اصلا مش مطالبين بالتاريخ ماده التاريخ دي مش بتفيد باي حاجة ما اعرفش احنا ليه بندرسها أصلا حتى اللي بناخده الاجيال اللي بعدنا بتاخدها هي هي نفس كل حاجه فيها ما فيش حاجه فيها تقدم ولا اي حاجه مثلا جغرافيا بتعرفنا بلدنا وحتتنا ومكاننا وتعرفنا حاجات مفيده مش زي التاريخ عمري ما استفدت منه بحاجه والامتحان صعب صعب صعب صعب صعب صعب فوق ما تتخيله أنا ذاكرت وما فيش حاجه من اللي أنا ذاكرتها جت في الامتحان وأسئلة كمية كبيرة من الأسئلة احنا لو ذكاء اصطناعه هيزهق من الأسئلة دي ولجنه وحشه جامد جامد جامد وحلاوته في المواد الشرعية يعني بيعرفنا دينا و الكلام دا اللي خلاني اتعلق ب الأزهر المواد الشرعية لكن في الامتحانات وحشه جدا جدا جدا اصعب من العام بكتير».
فيما قالت أخرى: «هو كان صعب شوية بس أغلبه من الامتحان و الأسئلة اللي كانت نازله»، وكتب آخر: «الامتحان كويس جداً في المتناول بصراحه على الطالب اللي مذاكر واللي حل بطريقة النظام الجديد والأفكار اللي فيه مش صعبة تقدر بالاستبعاد تخرج الإجابة الصحيحة».
وعقب أحد معلمي التاريخ: «الامتحان كويس جدًا ومتوازن مبروك لكل طالب ذاكر واجتهد واشتغل علي نفسه وتدرب علي النظام الجديد، متسمعوش كلام حد يقلك الامتحان كان وحش».
أؤدي طلاب القسم الأدبي بالثانوية الأزهرية 2025، اليوم امتحان مادة التاريخ ضمن امتحانات نهاية العام الدراسي 2024/2025.
جدول الثانوية الأزهرية 2025 (الشعبة الأدبية)
جاء جدول الشهادة الثانوية الأزهرية للشعبة الأدبية 2025 كالتالي:
السبت 31 مايو: القرآن الكريم والحديث
الإثنين 2 يونيو: اللغة الأجنبية الثانية والإنشاء
الأحد 15 يونيو: اللغة الأجنبية الأولى
الثلاثاء 17 يونيو: الفقه
الخميس 19 يونيو: النحو
الأحد 22 يونيو: الصرف
الثلاثاء 24 يونيو: الإحصاء (للمبصرين فقط) والفلسفة والمنطق (نظام قديم)
الأحد 29 يونيو: التاريخ
الثلاثاء 1 يوليو: التوحيد
الخميس 3 يوليو: الأدب والنصوص والمطالعة
الأحد 6 يوليو: الجغرافيا (للمبصرين فقط)
الثلاثاء 8 يوليو: البلاغة
الخميس 10 يوليو: التفسير
