فريدة سيف النصر تعلق على أزمة أحمد السقا وطليقته مها الصغير الأخيرة
علقت الفنانة فريدة سيف النصر عن الأزمة الأخيرة التي واجهت مها الصغير وأحمد السقا بعد طلاقهما، وحررت مها الصغير محضرًا ضد أحمد السقا بعد واقعة التعدي عليها.
وخرجت الفنانة فريدة سيف النصر عن صمتها وعلقت على الواقعة من خلال منشورًا عبر حسابها الرسمي على موقع التواصل الاجتماعي فيسبوك.
فريدة سيف النصر توجه رسالة إلي مها الصغير
حيث وجهت فريدة سيف النصر رسالة إلي مها الصغير، وقالت: “لن تعوضي العشرة مهما كانت.. وكونك تتحملي كل هذه السنوات معناه أن حلوها كان أكتر من مرها ولا ايه؟ .. وكنتي بتراسليني في رحلة علاجك في لندن وكان معاكي ورجع الشغل ليه كده .. وكانك لما اشتغلتي يا حبيبتي ملكتي الدنيا في اعتقادك ببرنامج هو من دعمه لك.. وتركتي الحقيقية وراؤك مع حلم زائف أيضا وما يأتي سريعا يذهب سريعا .. زوجك محترم و رجل وأبو ولادك .. وهو لا ينفعل هكذا الا بسبب قوي جدا.. لن يفصح عنه احتمال كرامة لأولادكم الرجال .. السر عنده هو .. حمدت الله اني لم أقبل دعوتك ولا استضافتك .. ليس لشئ أخلاقيا لا سمح الله انتي متربيه كويس جدا فلو لم تكوني محترمة ما ارتبط بيكي وانتي لا تملكي خبرة معرفة الناس .. تجربتك لم تتخطي بيتك وزوجك وولادك أنا عارفه بقول ايه هو عارفك وحافظك وخائف عليكي .. أنا مش بهاجمك لكن بعد ما كنتي بتكلميني علي طول فجأة مابترديش وكانك محاصرة .. والمثل بيقول يا بخت من بكاني وبكا عليا ولا ضحكني وضحك الناس عليا .. والإنسان لما ينزل من مكان بيروح لأحسن منه .. فهمتي .. أو يفضل مكانه .. لان لو انهار العقار الجديد مايلاقيش نفسه في الهوا .. كبرتم سوا .. أهم ما في الحياه حضن فلذات الكبد .. ويوم فرحهم تبقي معاهم”.
نصيحة فريدة سيف النصر
واستكملت فريدة سيف النصر حديثها قائلة: “عيب يا أم ياسين الغالي .. لو تأذيتي كان يبقي في تقرير طبي لأن ضرب الجدع أبو الرجولة مش سهل تبقي فيكي حيل للجري عالقسم .. حسبي الله في اللي عمالين يسخنوا من الجهتين .. استحلفكم بالله والعشره والولاد اللي زي الفل كفايه كده .. ولحبايبنا اللي بيعلقوا بالتجريح ده حبيبكم حطوا نفسكم مكانه واعملوا حساب ولاده وموقفهم دوول رجاله .. بجد كتير عليه كده .. وانتي يا غالية بعتي حاجات ماتتعوضش ب ولا حاجة .. وانت اسمع كلام أم الرجالة .. من اشترانا بالروح اشتريناه .. ومن باعنا بعناه ويحرم علينا اجتماعه .. أنا كلي معاك لاني بحس كويس اوي بالشفافية اللي كلكم عارفينها عني الحمد لله .. والله لا يسامح اللي ورا كل الحرب دي .. وربنا معاك بجد .. وانتي ربنا معاكي و يقويكي علي نفسك .. النفس اماره بالسوء .. ناس هتقول حقها .. ماشي لا التوقيت صح ولا هي صغيره علي التسرع ونسيان اتنين رجاله وعروسة وابوهم ابو الرجولة .. ده رأيي وفي الحق لا تخشي لومة لائم .. سنحاسب علي كلمة حق نكتمها”.
