بعد تعرضها لأزمة صحية ..فريدة سيف النصر تدعو لـ ريهام سعيد
نشرت الفنانة فريدة سيف النصر عبر صفحتها الشخصية بموقع التواصل الاجتماعي “ فيس بوك ” منشورا تطالب فيه بالدعاء للإعلامية ريهام سعيد بعد تعرضها لأزمة صحية أدت إلي دخولها غرفة العمليات .
وكتبت الفنانة فريدة سيف النصر : سلامتك ياريهام سعيد…
اغرب لقاء بيننا هاتشوفوه الاسبوع الجاي..كانت شبه نائمه من الادويه وكنت عايزه نقف ونكمل يوم تاني رفضت واترجوني نكمل لدرجة كنت عايزه اكلم القناه قالت لي هاتشتكيني لا والله مش انا دي أنا عايزه اطمن عليها.
وأضافت : وبالعكس أنا صعبت عليا وحسيتها والله غلبانه وطيبه وظالمينها..واهي فعلا حاليا دخلت العمليات عمليه سريعه..سلامتك...فعلا أنا باعتذر لو اللقاء ماعجبكوش لاني انا ماكنتش مرتاحه علشانها بيغمي عليها بتنام علي نفسها اغماء والله وتقوم نفوقها وتدوخ تاني روحنا الساعه خمسه صباحا.. وقالولي الاخراج اتكلمي حضرتك ماتوقفيش واحنا هانشوف المونتاج.
وتابعت : اول مره تحصل لي..يارب تقومي بالسلامه من العمليات اللي استلمتك دي والخير اللي عملتيه للناس يقعد لك ادعوا لها ...
أزمة فريدة سيف النصر مع المخرج أحمد خالد موسى
وقد آثارت الفنانة فريدة سيف النصر الجدل مؤخرًا بأزمة استبعادها من الموسم الثاني من مسلسل العتاولة، حيث تحدث مخرج مسلسل العتاولة أحمد خالد موسى عنها، في تصريحات خاصة لـ موقع "نيوز رووم" قائلا: "كانت بتخلي اللوكيشن مسموم".
بدورها، قامت الفنانة فريدة سيف النصر بالرد على هذه التصريحات، عبر حسابها الرسمي على موقع التواصل الإجتماعي فيسبوك، وقالت: "برغم كل ما قالوه زمايلي من شكر ليا من السقا لطارق في حبر سري .. لمي كساب ولبني ونس وكل الشباب بلا استثناء كلام كله حب.. في بوستات وفي برامج باشكرهم كلهم هدي الإتربي ونهي عابدين وزينب العب ومنة تيسير والشباب مؤمن نور وكريم محسن.. وفاضل مين ولوحدهم والله شكروا .. توصل لسامة ؟ …لا طبعا ربنا مايجيبش حاجة وحشة أبدًا.. وبالعكس أنا كنت بحبك زي فيفي ما بتقول الله يكرمها بوقفتها وكلامها عنك.. حقيقي ماحدش يكرهك وليه الحياة بسيطة وبتخلص بالراحة.. اللي عايز حاجة ياخدها كله بيخلص.. طيب يا أستاذ تعالى نتفق على حاجة.. المسلسل نسيته من بعد ما مشيت خلاص .. انسى يا أستاذ وجودي أصلًا معاكم .. وأنت فعلا ناسيني كشريك أول معاكم .. انساني وحياة حبيبك النبي.. مش كل شوية مواضيع.. حتى النجمة الكبيرة فيفي عبده مع إنجي علي وعملت لي منشن.. أنا باشكركم من قلبي.. خاصة انت.. ويا جماعة كل الكلام علي جنب.. وكلام المخرج القائد المحترم هو الصادق."
واختتمت فريدة سيف النصر رسالتها قائلة: "أنا توكسيك .. أنا عندي مشاكل مع 100 شخص .. أنا حد مش كويس .. تخطاني يا أستاذ .. انساني أنت صح في كل كلمه الله يكرمك .. ولا تحب نقرأ فاتحه تاني أن ماحدش يجيب سيرة حد باتهامات الله اعلم بيها ورسوله والمؤمنون .. ربنا يكفيك شر الناس السامة اللي زيي .. بعد أربعين سنة اعمال ناجحة وماحدش جاله تسمم ؟ .. كتر خيرك وحياة ولادك انساني .. وانت الصح يا جماعة أنا باقول لكم هو الصح خلصنا بقى وبالإنجليش .. Let it go...move on .. شكرا”.
