إياد نصار عن دخول نجله مجال الفن..اللي مقبلوش على ابني مش هرضاه على ولاد الناس
كشف الفنان إياد نصار عن حقيقة دخول ابنه “ آدم ” في المجال الفني موضحًا أنه لاحظ امتلاكه لموهبة فنية وأنه سيساعده على تنميتها .
وقال إياد نصار في تصريحات لـ “ et بالعربي ” : أصريت إن ابني يحضر معايا العرض الخاص لفيلم المشروع X في مصر، عشان أكون متأكد إنه مناسب للمشاهدة العائلية، اللي مش هقبله على ابني، مش هرضاه على أولاد الناس، وابني لقيت عنده موهبة وبحاول أنميها عنده، وهو عنده فيلم من إخراجه، وأنا معاه في أي حاجة عنده شغف ليها .
تعاون إياد نصار مع كريم عبد العزيز وبيتر ميمي
وتحدث الفنان إياد نصار عن تعاونه مع كريم عبد العزيز وبيتر ميمي، حيث قال: “شهادتي فيهم مجروحة .. كريم أنا وهو أصدقاء على المستوى الإنساني .. كريم ممثل قوي .. ومخلص في شغله وبيحب شغله جدًا .. لما بيتر بعتلي المشروع إكس كلمته وقولتله هو أحنا هنقدر نعمل ده .. بيتر بيحب يغامر اوي .. وكان قرار شجاع من كريم أنه يدخل المشروع ده ويغامر .. التركيبة النفسية مختلفة جدًا في دوري شخصيتي في المشروع إكس كانت عملية جدًا .. كانت بلا مشاعر وعشان كده كان فيها صعوبة .. وده الطبيعي في الأفلام الأكشن".
طبيعة فيلم المشروع إكس
وعن طبيعة فيلم المشروع إكس، قال إياد نصار: “هو مشروع أكشن جدًا وكان معتمد على الإنتاج .. الطبيعي في العالم أكشن يعني انتاج وأحنا كان معانا سنرچي .. مكنش ينفع أكشن من غير ضخامة في الإنتاج .. وكمان فيلم أكشن خرج من منطقة الراحة بتاعته اللي هي مصر وراح الفاتيكان وروما .. وسفر خارج مصر ده محتاج سيطرة .. يعني هوليوود بيعرفوا يعملوها لأنهم عندهم سيطرة يقفلوا شوارع ويصوروا براحتهم .. وده حصل عندنا”.
قصة فيلم المشروع X
فيلم المشروع X، من فئة الأعمال الأكشن التشويقية، وتدور قصته حول باحث في الآثار، يسعى لاكتشاف سر بناء الهرم، ويقوم بعملية تهريب خطيرة، يسافر بسببها إلى العديد من الدول الأوروبية، ويتقاطع طريقه مع امرأة شابة تعمل غواصة في البحر الأحمر وتعيش في مدينة الجونة، ويخوضان سويًا العديد من المواقف والمغامرات خلال رحلتهما، بعد أن كون الباحث عصابة.
أبطال فيلم المشروع X
المشروع X، يعتبر من أضخم الإنتاجات في تاريخ السينما المصرية، وهو بطولة كريم عبدالعزيز، ياسمين صبري، إياد نصار ، عصام السقا، أحمد غزي، ومريم محمود الجندي، والفيلم تأليف بيتر ميمي وأحمد حسني وإخراج بيتر ميمي ، ويشارك نخبة من النجوم كضيوف شرف ضمن أحداث العمل، وهم : ماجد الكدواني وكريم محمود عبدالعزيز وهنا الزاهد ومصطفى غريب وتامر نبيل.
