إياد نصار عن فيلم المشروع إكس: "مكنتش مصدق أننا نقدر نعمل ده"
يتواجد الفنان إياد نصار حاليًا في دبي بالتزامن مع بدء عرض فيلم المشروع إكس هناك، وظهر في برنامج مساء الإمارات وبدأ أن يتحدث عن تحضيره لـ فيلم المشروع إكس وتعاونه مع المخرج بيتر ميمي والفنان كريم عبد العزيز.
تعاون إياد نصار مع كريم عبد العزيز وبيتر ميمي
وتحدث الفنان إياد نصار عن تعاونه مع كريم عبد العزيز وبيتر ميمي، حيث قال: “شهادتي فيهم مجروحة .. كريم أنا وهو أصدقاء على المستوى الإنساني .. كريم ممثل قوي .. ومخلص في شغله وبيحب شغله جدًا .. لما بيتر بعتلي المشروع إكس كلمته وقولتله هو أحنا هنقدر نعمل ده .. بيتر بيحب يغامر اوي .. وكان قرار شجاع من كريم أنه يدخل المشروع ده ويغامر .. التركيبة النفسية مختلفة جدًا في دوري شخصيتي في المشروع إكس كانت عملية جدًا .. كانت بلا مشاعر وعشان كده كان فيها صعوبة .. وده الطبيعي في الأفلام الأكشن".
طبيعة فيلم المشروع إكس
وعن طبيعة فيلم المشروع إكس، قال إياد نصار: “هو مشروع أكشن جدًا وكان معتمد على الإنتاج .. الطبيعي في العالم أكشن يعني انتاج وأحنا كان معانا سنرچي .. مكنش ينفع أكشن من غير ضخامة في الإنتاج .. وكمان فيلم أكشن خرج من منطقة الراحة بتاعته اللي هي مصر وراح الفاتيكان وروما .. وسفر خارج مصر ده محتاج سيطرة .. يعني هوليوود بيعرفوا يعملوها لأنهم عندهم سيطرة يقفلوا شوارع ويصوروا براحتهم .. وده حصل عندنا”.
سعادة إياد نصار بوجوده في دبي
وأعرب إياد نصار عن سعادته بوجوده في دبي لحضور فيلم المشروع إكس، حيث قال: “مبسوط جدًا أني موجود في دبي لأنه نجاح له طعم تاني .. الجمهور خاص جدًا .. النجاح في المنطقة العربية بيسعدنا جدًا”.
إياد نصار في مسلسل ظلم المصطبة
أما عن تعاونه مع الفنانة ريهام عبد الغفور في مسلسل ظلم المصطبة الذي تم عرضه في الماراثون الرمضاني الأخير وحقق ناجحًا كبيرًا، فقال إياد نصار عنه: "كنا بنعمل شغل الإخراج في ظلم المصطبة .. قاعدة عامة مادام بتحب حاجة اخلصلها .. لأن ده وقت الجمهور .. وفلوس ولازم تكون مخلص".
