وئام مجدي توجه رسالة شكر لجمهورها.. وتلوم البعض بسبب تعليقاتهم

وجهت الفنانة وئام مجدي رسالة شكر لجمهورها بعد مساندتهم لها بعدما فقدت جدتها نوال، حيث نشرت مقطع فيديو عبر حسابها الرسمي على موقع التواصل الإجتماعي فيسبوك، وعلقت قائلة: “شكرًا على كل كلمة ودعوة .. شكرًا من قلبي”.

وئام مجدي توجه رسالة شكر لجمهورها 

وتحدثت الفنانة وئام مجدي من خلال هذا الفيديو، حيث قالت: “طالعة اقولكم قد ايه أنا شوفت حب لتيتا .. شوفت أدعية .. قد ايه شوفت ناس بتبعتلي فويس نوتس بتعيط .. الناس اللي بتبعتلي أنا كوئام ربنا يصبرك .. قد أيه كل ده فرق معايا .. وخلاني أكون أحسن .. غصب عني مش متقبلة أوي كده .. بس أكيد أرريح من أنها كانت تعبانة أخر 6 شهور .. لما حد كان بيسألني عليها في الشارع كنت بتعب جدًا .. مكنش عندي حاجة أعملها .. أنا احسن كتير وأقوى كتير مما كنت فاكرة .. وأنتوا مساعدني على ده .. بنزل شغلي وبصور .. الحياة هتمشي .. هبقى كويسة .. زي لما هي كانت معايا ولما كنت بكتئب أو اضايق .. كانت بتبقى عايزاني أكون كويسة .. كانت شخص بيحببني في الحياة .. زي ما أنتوا شوفتوا حبها للحياة .. أنا طالعلها بحب الحياة .. عارفة أن الدنيا هتمشي .. أكيد في حاجة جوايا اتغيرت مش هترجع تاني .. اللي بيمشوا بياخدوا حتة مننا زي بابا وزي تيتا .. أنا متقبلة أنها تكون في حتة أحسن من الوجع اللي كانت فيه”.

بصورة مع أبطال العمل.. وئام مجدي تروج لـ فيلم ماما وبابا

وئام مجدي تتذكر جدتها الراحلة في مقطع فيديو: «هي العيد»

وئام مجدي تلوم بعض متابعيها 

ووجهت الفنانة وئام مجدي رسالة لوم لبعض المتابعين، حيث قالت: “أنا لما بنزل صور أو كده .. بتكون في تعليقات بتقول أه ما خلاص هي نسيتها .. زي ما شوفت تعليقات ورسايل الناس بجد شوفت حنية رهيبة وحاسين بيا .. بس بردو شوفت ناس جاحدة .. زي مثلا ناس تبعتلي رسايل ولما مردش يقولولي أنت هتتنكي أحنا متابعينك عشان تيتا .. أنا بيتبعتلي كتير مش هقدر أرد على كل حد .. وكمان لازم الناس تقدر .. شكرًا بس مش لدرجة يتقالي كده .. أو أنزل حاجات للفيلم لأن ده شغلي ودي اتفاقات وعقود .. مش معنى أني بنزل أني نسيت .. أنا مش مضطرة ابرر”.

شكرا علي الأيام الحلوة.. وئام مجدي تنعي جدتها ببعض الكلمات المؤثرة

أبرزهم هيدي كرم.. نجوم الفن بعزاء والدة المخرج خالد الحجر وجدة وئام مجدي|فيديو

وئام مجدي: “بهتم بالإنسانيات”

واستكملت الفنانة وئام مجدي حديثها قائلة: “مبسوطة من حبكم لتيتا وليا .. شوفت تعليقات سلبية كتير وبشعة بس أنا مش بهتم بيها لأني بشوف أن الإنسانيات أهم حاجة .. شوفت ناس بجد عايزاني أكون كويسة وارجع واشتغل واكبر زي ما تيتا كانت عايزة .. زعلانة أوي أكيد .. بس معنديش حاجة أعملها غير أني اتقبل .. حابة أقولكم أني بدعي بس أنا مبعرفش لسه أقول ربنا يرحمها لأني لسه مش مستوعبة .. ولكن في الفيديو ده هقول ربنا يرحمها عشان كل واحد يشوفها يقول ربنا يرحمها .. هفضل افكركم بيها دايمًا .. هي مش فترة وهتعدي .. هي رزق كبير جدًا في حياتي .. هي اللي خلتني أكون نفسيًا أحسن .. يارب أرجع تاني كويسة ومبسوطة .. وأعمل حاجات كتير هي كانت عايزاني أعملها .. ربنا يرحمها يارب”.