وئام مجدي تتذكر جدتها الراحلة في مقطع فيديو: «هي العيد»
نشرت الفنانة وئام مجدي مقطع فيديو يجمع لها صورًا بجدتها نوال الراحلة، وذلك عبر حسابها الرسمي على موقع التواصل الإجتماعي فيسبوك، في إشارة منها إلي فقدانها الشديد لجدتها، وعلقت على ذلك قائلة: “هي العيد”، فالفنانة وئام مجدي كانت متعلقة بشكل كبير بجدتها نوال مما جعلها متأثرة بفراقها وبقضاء هذا العيد بدونها.
وفاة تيتا نوال
وقد أعلنت الفنانة وئام مجدي عن وفاة جدتها نوال التي لطالما كانت تقدم معها فيديوهات شهيرة على مواقع التواصل الاجتماعي، حيث كتبت عبر حسابها بموقع "إنستجرام": "توفيت إلى رحمة الله تيتة نوال حبيبتي.. ادعولها"، كما نعاها المخرج خالد الحجر - نجل الفقيدة - على "فيس بوك" قائلًا: "مع السلامة يا ماما نوال يا جميلة.. كلنا بنحبك، في الجنة إن شاء الله".
وئام مجدي توضح مدى حبها لجدتها الراحلة
وبعد ذلك، قامت وئام مجدي بنشر فيديو يجمع ذكرياتهما عبر حسابها الرسمي على موقع التواصل الإجتماعي فيسبوك، وعلقت قائلة: “قد إيه أنا ممتنه لتيته و أيامى معاها مبسوطة إنى كنت دايما بحب أسمعها وهى موجوده إن هى سبب إنى أبقى أحسن .. مكنتيش جده كنتى صاحبتى الأحلى و الأقرب كنتى سبب إنى أطلع من حته ضلمه أوى و زعل لضحك و هزار و حب ناس .. محظوظة بيكى و بلذاذتك وبحب الدنيا كلها ليكى أه أنا قلبى زعلان وأوى لكن إنتى مكنش ينفع تتعبى أكتر من كده إنتى متستهليش غير إن وشك ده يضحك و ده كان سبب الڤيديوهات .. أنا واحده كان عندى اكتئاب من ظروف و إنتى عندك اكتئاب إنك عيانة وعيشنا سوا سنين حولنا ده لـ أيام ضحك و حلوة و حب الناس اللى كان ملوش أخر .. بس أخر كام شهر نفسى أنساهم من حياتى من العذاب اللى شوفتك فيه واستسلام إنى أتفرج عليكى وإنتى بتمشى .. ولا يا وئام الموضوع مسألة وقت هى مش هتبقى كويسة .. شكرا على الأيام الحلوة الكتير أوى وعلى الضحك كنت بقول امبارح وأنا جمبها إنتى طول الوقت لأخر لحظه بتندهى وئام وئام لو فوق مقولتيش وئام وئام برضو .. علشان ربنا يبقى معايا بعدك هزعل اوى إنتى الناس زعلت عليكى كأنك من عيلتهم .. أنا من يومها لحد دلوقتى جالى أكتر من ٦٠ ألف ماسدچ الناس بتعزينى فيكى و ناس بتقولى لا تيته لا انتى مش محبوبه عادى .. ربنا يرحمك يا حلوه و إنتى معايا وهفضل أشوفك وانزل كل حاجه حلوه بينا علشان إنتى مش هتبقى وقت وعدا فى حياتى إنتى مكملة معايا طول عمرى بس بقولك إيه برضو مش هتجوز يا تيته .. و زى ما كنتى بتقوليلى إنتى حبيبتى لا ده إنتى اللى حبيبتى و حبيبت عمرى كله .. بحبك .”
