شكرا علي الأيام الحلوة.. وئام مجدي تنعي جدتها ببعض الكلمات المؤثرة
نشرت الفنانة وئام مجدي منذ قليل عبر صفحتها الشخصية علي موقع التواصل الاجتماعي فيديو يجمعها بـ جدتها الراحلة " تيتة نوال " لتستعيد فيه ذكرياتهم وتعبر عن حزنها الشديد بعد وفاتها .
وكتبت وئام مجدي : قد إيه أنا ممتنه لتيته و أيامى معاها مبسوطه إنى كنت دايما بحب أسمعها وهى موجوده إن هى سبب إنى أبقى أحسن .. مكنتيش جده كنتى صاحبتى الأحلى و الأقرب كنتى سبب إنى أطلع من حته ضلمه أوى و زعل لضحك و هزار و حب ناس .
وتابعت وئام مجدي : محظوظة بيكى و بلذاذتك وبحب الدنيا كلها ليكى أه أنا قلبى زعلان وأوى لكن إنتى مكنش ينفع تتعبى أكتر من كده إنتى متستهليش غير إن وشك ده يضحك و ده كان سبب الڤيديوهات .. أنا واحده كان عندى اكتئاب من ظروف و إنتى عندك اكتئاب إنك عيانه وعيشنا سوا سنين حولنا ده لـ أيام ضحك و حلوه و حب الناس اللى كان ملوش أخر بس أخر كام شهر نفسى أنساهم من حياتى من العذاب اللى شوفتك فيه واستسلام إنى أتفرج عليكى وإنتى بتمشى ولا يا وئام الموضوع مسألة وقت هى مش هتبقى كويسة .
وأضافت وئام مجدي : شكرا على الأيام الحلوه الكتير أوى وعلى الضحك كنت بقول امبارح وأنا جمبها إنتى طول الوقت لأخر لحظه بتندهى وئام وئام لو فوق مقولتيش وئام وئام برضو علشان ربنا يبقى معايا بعدك هزعل اوى إنتى الناس زعلت عليكى كأنك من عيلتهم أنا من يومها لحد دلوقتى جالى أكتر من ٦٠ ألف ماسدچ الناس بتعزينى فيكى و ناس بتقولى لا تيته لا انتى مش محبوبه عادى ..
واختتمت : ربنا يرحمك يا حلوه و إنتى معايا وهفضل أشوفك وانزل كل حاجه حلوه بينا علشان إنتى مش هتبقى وقت وعدا فى حياتى إنتى مكمله معايا طول عمرى بس بقولك إيه برضو مش هتجوز يا تيته .. و زى ما كنتى بتقوليلى إنتى حبيبتى لا ده إنتى اللى حبيبتى و حبيبت عمرى كله .. بحبك .
وفاة تيتة نوال
وكانت الفنانة وئام مجدي، أعلنت عن وفاة جدتها التي لطالما كانت تقدم معها فيديوهات شهيرة على مواقع التواصل الاجتماعي، حيث كتبت عبر حسابها بموقع "إنستجرام": "توفيت إلى رحمة الله تيتة نوال حبيبتي.. ادعولها"، كما نعاها المخرج خالد الحجر - نجل الفقيدة - على "فيس بوك" قائلًا: "مع السلامة يا ماما نوال يا جميلة.. كلنا بنحبك، في الجنة إن شاء الله".
