فاروق حسني يكشف تفاصيل تدخل الرئيس لاستئناف العمل بمتحف الحضارات المصري| فيديو
قال الفنان فاروق حسني وزير الثقافة والآثار الأسبق: «العمل بالمتحف المصري الكبير توقف تماما خلال عام 2011، وكان موجود اللواء محمد أمين كان بجيلي دايما، وبلغني رسالة من الرئيس، وقولتله بلغه رسالتين المتحف المصري الكبير ومتحف الحضارة، وابتدي العمل في المتحف مرة أخرى، الرئيس السيسي دفع دفعة كبيرة».
المؤشرات اللي كانت بتطلع
وأوضح وزير الثقافة والآثار الأسبق: «ما كنش فيه مؤشرات على حدوث أحداث 2011، وكان فيه حكومة نظيفة، والوزراء اللي كانوا موجودين كانوا وزراء ليهم أسماء، والمؤشرات اللي كانت بتطلع كانت جيدة».
اجتماع القرية الذكية
وأضاف خلال حوار تليفزيوني ببرنامج «الحكاية» والمذاع عبر قناة «mbc مصر» تقديم الإعلامي عمرو أديب: «كنا في الأيام اللي بدأت فيها الحكاية، كان فيه حاجة بنعملها معينة جه الدكتور نظيف قال نجتمع نعملها، وابتدت الأحداث، واتكلمت قال لازم نجتمع ورحنا في القرية الذكية».
افتتاح معرض الكتاب
واستكمل: «لقيت رئيس الوزراء بيتكلم في الموضوع دا، ويوم الاستقالة الرئيس كلمني عن افتتاح معرض الكتاب، وقالي أرجوك أنت افتتحه، قولتله يا ريس إحنا بنستقيل، قالي طب خلاص».
وأوضح وزير الثقافة والآثار الأسبق: «بعد اللحظات دي شوفته ودعاني في البيت على غداء ودعاني في البيت، كان واعي ومدرك وذهنه صاحي لآخر الوقت».
عقل واع
مؤكدا: «مبارك كان صقر يدرك تماما اللي بيتكلم دا بيتكلم في أي، كان عنده دايما دهشة وتلاقيها في عنيه، وماليش في النهاية في الحكاية دي،بس هو كان بيفتخر بالواحد».
أكبر متحف
وقال الفنان فاروق حسني وزير الثقافة والآثار الأسبق: «قولت للرئيس مبارك عاوزين نعمل أكبر متحف قالي منين يا فاروق، قولتله الأعمال العظيمة بتجيب التمويل، والفكرة نفسها عظيمة، والجميل فيه إن مش بتتعب علشان توصل ليه الأفكار».
واستكمل: «يومين ونزلنا كان الرئيس والمشير طنطاوي نزلنا نطبش في الرملة، ولقيت الاهرامات بانت، قالي إيه رأيكم في الأرض دي، قولت له جميلة يا ريس، قالي خلص علشان نطلع القرار».
قرار تأجيل افتتاح المتحف المصري
وقال الفنان فاروق حسني، وزير الثقافة والآثار الأسبق، إن قرار تأجيل افتتاح المتحف المصري الكبير إلى موسم الخريف هو قرار صائب، مؤكدًا أن أي نشاط عالمي كبير عادة ما يبدأ في فصل الخريف.
