أسما شريف منير لمتابعيها:«مش هرد إساءة بإساءة.. ربنا أمرنا نكون أرقى»
خرجت أسما شريف منير عن صمتها، خاصة بعد الانتقادات العديدة التي وجهت لها بسبب زواجها مؤخرًا، ونشرت صورة لها بإطلالة جديدة عبر حسابها الرسمي على موقع تبادل الصور والفيديوهات إنستجرام، وعلقت عليها قائلة: "كل شخص شتمني .. أو تنمّر عليّا .. أو أساء الظن بيّا .. أنا مش بزعل .. ومش باخدها على قلبي .. مش لأني ما بحسّش .. لكن لأني تعلّمت إن القلوب اللي فيها نور .. بتعفو وبتعدي”، مستشهدة بقوله تعالى: “والكاظمين الغيظ والعافين عن الناس والله يحب المحسنين.”
أسما شريف منير: “مش هرد الإساءة بالإساءة”
وأكدت أسما شريف منير في حديثها أنها اختارت أن تكون من أولئك الذين يحبهم الله، فلا ترد على الإساءة بمثلها، بل تتعامل برقي وإنسانية حتى أمام الظلم، قائلة: “أنا مش هرد إساءة بإساءة .. ولا كلمة بكلمة .. ربنا أمرنا نكون أرقى .. حتى قدام الظلم: ولا تستوي الحسنة ولا السيئة .. ادفع بالتي هي أحسن.”
وتطرّقت أسما شريف منير في حديثها إلى مسألة الحكم عليها من الآخرين، مشيرة إلى أن علاقتها بالله ليست بحاجة لإثبات أو شهادة من أحد، وأوضحت: “اللي بيني وبين ربنا عمره ما كان محتاج شهادة من بشر .. واللي بيظن السوء .. ربنا قال عنه: يا أيها الذين آمنوا اجتنبوا كثيرًا من الظن .. إن بعض الظن إثم.”
أسما شريف منير: “أنا مسامحة من قلبي”
ثم اختتمت رسالتها بجملة مليئة بالقوة والصفاء: “أنا مسامحة من قلبي .. مش ضعف .. لكن قوة .. قوة إني ما أخليش الحقد والزعل يسكن في صدري .. وسايبة كل حاجة لربنا .. لأنه قال: فمن عفا وأصلح فأجره على الله.”
كما وجّهت رسالة دعم وأمل إلى النساء، خاصة من مررن بتجارب صعبة أو قاسية، قائلة: “أنا عندي رسالة أمل .. وبدعي من قلبي إن ربنا يكرم كل ست .. ويشجعها تتجوز وتبدأ من جديد .. من غير ما تخاف من المجتمع .. ولا من نظرات الناس اللي بتصطاد الأخطاء .. ربنا يعفينا من الناس دي .. ولا من الكلام اللي بيقول: ‘مريضة’، ‘مستفزة’، ‘بجحة’ .. كل ده اتحوّل عند ربنا لحسنات .. ربنا هو اللي بيختار ويعوض .. مش الناس.”
زواج أسما شريف منير
وقد أعلنت أسما شريف منير مؤخرًا عن زواجها عبر حسابها الرسمي على موقع تبادل الصور والفيديوهات إنستجرام، وعلقت قائلة: “ أنا الحمد لله اتجوزت .. وده قرار جه بعد فترة طويلة من رحلة عشتها مع نفسي .. قرار جه بعد فترة كبيرة .. أسما شريف منير تعلن عن زواجها .. من حاجات كتير قوي اتعلمتها .. تجارب دخلت فيها .. اختيارات وصلت لها، حاجات بقيت بحبها .. وحاجات ما بقيتش بحبها .. فهمت نفسي أكتر .. اتعرفت على نفسي أكتر .. فهمت أنا محتاجة إيه من الجواز .. إيه المهم وإيه اللي مش مهم .. إيه اللي محتاج مجهود وإيه اللي مش محتاج مجهود.”
