قرار جه بعد فترة كبيرة .. أسما شريف منير تعلن عن زواجها
أعلنت الإعلامية أسما شريف منير، عبر حسابها الرسمي على موقع التواصل الإجتماعي إنستجرام زواجهاوعلقت قائلة : أنا الحمد لله اتجوزت، وده قرار جه بعد فترة طويلة من رحلة عشتها مع نفسي.
قرار جه بعد فترة كبيرة .. أسما شريف منير تعلن عن زواجها
وتابعت أسما شريف منير، من حاجات كتير قوي اتعلمتها، تجارب دخلت فيها، اختيارات وصلت لها، حاجات بقيت بحبها، وحاجات ما بقيتش بحبها ، فهمت نفسي أكتر، اتعرفت على نفسي أكتر، فهمت أنا محتاجة إيه من الجواز، إيه المهم وإيه اللي مش مهم، إيه اللي محتاج مجهود وإيه اللي مش محتاج مجهود.
وأضافت أسما شريف منير ، وقعدت فترة كبيرة جدًا بدعي ربنا بإنه يعوضني خير ويعوضني خير صبري، لأني كنت في الفترة دي بحاول أقصى حاجة في الدنيا إني أحافظ على نفسي وما أغضبش ربنا. وحاولت إني أدعي ربنا كتير قوي إنه يقف جنبي ويختار لي، وكنت دايمًا بقول: يا رب اختار لي ولا تخيرني.
وأكملت كنت مركزة جدًا في موضوع إني أتعامل بالتوكل، وتوكلت على ربنا تمامًا تمامًا في القرار ده، مردفة: تعاملت على إنه هو اللي هيجوزني وهو اللي هيقول لي أعمل إيه ، قلت له ،"سهل لي الطرق المعينة اللي أنت عايزني أعملها، أنا نيتي خير ومش عايزة أعمل حاجة غلط وعايزة أتجوز وأتستر وأعيش حياة كريمة فيها احترام وفيها تقدير وفيها عوض".
واختتمت ، وكلمت مع ربنا كتير لحد ما جه وقت صدقت جدًا وكان عندي يقين غير عادي إن ربنا هيحقق لي الحاجة دي، لأني كنت عديت بفترة تعب كبيرة قوي نفسي علشان أقدر أتخطى ده ، كان بفكرة إنه صحيت نفسي في الشغل وتوكلت على ربنا ومقررة إنه هو هيختار لي الأصلح.
تحدثت أسما شريف منير ، عن أشياء تغيرت في حياتها مؤخرًا، وذلك من خلال نشر مجموعة من صورها عبر حسابها الرسمي على موقع تبادل الصور والفيديوهات إنستجرام، وعلقت عليها قائلة: “فيه ٣ حاجات غيّروا حياتي الفترة اللي فاتت ، وهما النضج وتقبل التغيير و التوكل .. كنت بفتح قلبي .. وبتكلم عن كل حاجة .. مع أي حد .. وفي أي وقت .. وكنت دايمًا بحس إني لازم أشارك كل خطوة وكل تفصيلة .. بس وصلت لمرحلة حسيت فيها إن مش كل حاجة لازم تتحكي".
أسما شريف منير تغيرت لسلامتها النفسية
واستكملت أسما شريف منير حديثها قائلة ، “مش علشان بخاف أتكلم .. لكن علشان بقيت أقدّر الهدوء .. والخصوصية .. والسكون اللي بيخليني أسمع نفسي .. الفترة دي بقيت افضل أني اكون شخصية Low-key .. مش موجودة في كل مكان .. بدوّر على الونس مش الزحمة .. بقيت مليش في الافراح و أعياد الميلاد و الحفلات .. بدور علي العمق مش السطحية .. بشتغل على شغلي .. ببني بيتي .. وبختار أشارك لحظات معينة .. من غير ما أفتح كل الأبواب .. أنا في حتة مختلفة .. ولسه بتتشكّل .. بس المرة دي .. بثقة .. وهدوء .. اختفيت شوية .. عشان أرجّع لنفسي سلامي .. وأفهم أنا فين ورايحة على فين”.
