أسما شريف منير:«النضج وتقبل التغيير والتوكل» أشياء تغيرت في حياتى
تحدثت أسما شريف منير ، عن أشياء تغيرت في حياتها مؤخرًا، وذلك من خلال نشر مجموعة من صورها عبر حسابها الرسمي على موقع تبادل الصور والفيديوهات إنستجرام، وعلقت عليها قائلة: “فيه ٣ حاجات غيّروا حياتي الفترة اللي فاتت ، وهما النضج وتقبل التغيير و التوكل .. كنت بفتح قلبي .. وبتكلم عن كل حاجة .. مع أي حد .. وفي أي وقت .. وكنت دايمًا بحس إني لازم أشارك كل خطوة وكل تفصيلة .. بس وصلت لمرحلة حسيت فيها إن مش كل حاجة لازم تتحكي".
أسما شريف منير تغيرت لسلامتها النفسية
واستكملت أسما شريف منير حديثها قائلة: “مش علشان بخاف أتكلم .. لكن علشان بقيت أقدّر الهدوء .. والخصوصية .. والسكون اللي بيخليني أسمع نفسي .. الفترة دي بقيت افضل أني اكون شخصية Low-key .. مش موجودة في كل مكان .. بدوّر على الونس مش الزحمة .. بقيت مليش في الافراح و أعياد الميلاد و الحفلات .. بدور علي العمق مش السطحية .. بشتغل على شغلي .. ببني بيتي .. وبختار أشارك لحظات معينة .. من غير ما أفتح كل الأبواب .. أنا في حتة مختلفة .. ولسه بتتشكّل .. بس المرة دي .. بثقة .. وهدوء .. اختفيت شوية .. عشان أرجّع لنفسي سلامي .. وأفهم أنا فين ورايحة على فين”.
أسما شريف منير في مرحلة انتقائية
واختتمت أسما شريف منير قائلة: "دلوقتي .. أنا في مرحلة انتقالية مهمة في حياتي .. في شغل .. في بيت ببنيه .. في ارتباط ربنا يتممه علي خير .. في أنا جديدة بتتشكل .. ولسه بتعلم الصبر .. هشارك معاكم حاجات .. وهخبي حاجات .. مش لأنكم مش مهمين .. بالعكس… عشان بقيت عارفة إمتى أشارك .. وإمتى أحتفظ .. وإزاي أعيش من غير ما أشرح .. أنا لسة هنا .. بس بشكل مختلف .. علي فكرة وحشتوني اوي”.
ارتباط أسما شريف منير برياضي
أعلنت الإعلامية أسما شريف منير مؤخرًا ارتباطها رسميًا برياضي من خارج الوسط الفني يدعى “أحمد عزمي” من خلال حسابها الخاص على موقع تبادل الصور والفيديوهات الشهير "إنستجرام"، حيث نشرت صورًا لخطيبها، معلقة: "عوض ربنا ليا، حبيبي .. أطيب وأحن راجل في الدنيا بعد أبويا طبعًا، بحبك"، لكنها لم تشر إلى نوع العلاقة التي تجمعهما بعد، هل خطوبة أم زواج، أم مجرد ارتباط؟".
