طليقة الشاعر أمير طعيمة تعلق على أزمة أحمد السقا ومها الصغير
تصدر اسم الفنانة مها الصغير مؤخرًا تريند محركات البحث بعد انتشار تكهنات حول ارتباطها بالفنان طارق صبري، وهو ما أثار جدلاً واسعاً بين الجمهور ووسائل الإعلام. في الوقت نفسه، لفت منشور غامض للفنان أحمد السقا اهتمام المتابعين، حيث قام بحذفه بعد نشره بلحظات، مما زاد من حالة الغموض حول الموضوع.
في ظل هذه الأجواء، خرجت طليقة الشاعر أمير طعيمة عن صمتها، لتعبر عن رأيها بشأن ما يحدث مع مها الصغير، وتنتقد ردود الفعل السلبية تجاهها. وقالت في منشور عبر حسابها الشخصي:
"مش مقبول على الإطلاق.. واحدة ولادها طولها اتجوزت فنان ٢٦ سنة.. تغلط فيها ليه؟! هي الست غلطت فيك؟ أذيتك؟! تنال من سمعتها ليه؟!! ده بالنسبة لمها الصغير.. اللي بينهم وبين بعض يخصهم، هي ولا مرة غلطت وهو ولا مرة غلط، تدخل ليه حضرتك؟ هتتجوز؟ ما تتجوز هي حرة؟".
وقد جاءت تصريحات طليقة أمير طعيمة دفاعاً صريحاً عن مها الصغير، مطالبة الجميع بوقف الإساءات واحترام الخصوصية، في ظل انتشار الشائعات والتكهنات التي تضر بسمعة الفنانة دون أدلة واضحة.
طليقة أمير طعيمة
واستكملت حديثها: “ملحوظة أنا لا مع ولا ضد .. بس ضد جدا اللي يغلط في سيدة وخصوصا أم .. بسمه بوسيل قالت علي تامر كلام وهي كمان حره .. رد تامر قال اللي يزعل بسمه يأذيني .. حضرتك حاشر نفسك بينهم ليه ؟! .. حضرتك بتطبل لمين ضد مين ؟.. في الاخر ودي حاجة مهمة جدا .. الست لو اتجوزت غير أبو ولادها الف مرة هيفضل هو له مكانة خاصة .. والراجل لو اتجوز الف واحدة هتفضل أم الولاد فوق الكل ولها مكانة خاصة .. خصوصا وتحتها الف خط اللي بينهم سنين وعيال ولو الأثنين سمحوا بعكس كده .. العيال مش هتسمح .. بلاش عشان ترند يومين حضرتك تفضل مكروه وكلمتك أنت مش هتتنسي .. في الاخر كله بيتصالح .. وبيرجعوا .. وشوفنا القصة دي بعدد شعر رأسنا .. عيب بقي وما يصحش”.
تعليق أحمد السقا
وفي سياق متصل، كشف مصدر مقرب من الفنان أحمد السقا لموقع “ نيوز رووم “ حقيقة البوستات المنتشرة علي الصفحة الشخصية للفنان أحمد السقا عبر موقع التواصل الاجتماعي ” فيس بوك ” بخصوص تعليقاته علي ارتباط طليقته الإعلامية مها الصغير والفنان طارق صبري .
وقال المصدر المقرب من أحمد السقا: “لقينا تسجيلات دخول على أكونته من ناس غريبة ومش هنقفل الأكونت ..وجدنا العديد من تسجيلات الدخول على الأكونت .. ومش عارفين مين دول ونزلوا البوستات دي ومسحوها .. احنا دلوقتي بنسجل خروج من كل الأجهزة اللي الأكونت مفتوح منها .. علشان الوضع زاد عن حده .. ولا نية لنا في غلق الأكونت لأن الناس هتفتكر ده هروب وإنه هو اللي عمل كدة .. أحمد السقا يؤدي مناسك الحج حاليا ولا يتابع أي شئ بجانب أنه لا تربطنا أي مشاكل بطليقته مها الصغير وبالعكس بعض من العائلة هيحضروا حفل تخرج بنته النهاردة .”.
