غدًا.. حمو بيكا يطلق أحدث أغانيه بعنوان "الأرض مليانة ألغام"
روج مطرب المهرجانات حمو بيكا عن أحدث أعماله الغنائية، التي تحمل اسم “الأرض مليانة ألغام”، ومن المقرر أن يتم إطلاقها في شكل فيديو كليب غدًا الجمعة في تمام الساعة السادسة مساءًا، حيث نشر مقطع فيديو من الأغنية عبر حسابه الرسمي على موقع تبادل الصور والفيديوهات إنستجرام، وعلق حمو بيكا عليها قائلًا: “كليب الأرض مليانة ألغام .. يوم الجمعة الساعة ٦ مساء على جميع منصات الاستماع”.
تخفيف عقوبات حمو بيكا ورضا البحراوي
ويأتي ذلك بعدما أعلنت نقابة المهن الموسيقية عن تخفيض عقوبات كل من حمو بيكا ورضا بحراوي، حيث قرر محمد عبد الله تخفيض مدة العقوبة لرضا بحراوي من شهر إلى خمسة عشر يومًا، وذلك بعد تعهّده بالالتزام التام بقانون النقابة وقراراتها وعدم تكرار المخالفات مستقبلاً، بالإضافة إلي تخفيض مدة إيقاف حمو بيكا من شهرين إلى شهر واحد، وذلك بعد تقدمهما باعتذار رسمي وتعهدهما بعدم تكرار الأفعال المخالفة.
حمو بيكا يدافع ويساند حسن شاكوش
وظهر مطرب المهرجانات حمو بيكا مؤخرًا في مقطع فيديو ليدافع عن صديقه حسن شاكوش ويسانده في أزمته الأخيرة بعدما تعرض للتنمر وهو يحيي حفل زفاف نور التوت حيث قال أنه يعاني من مشكلة في أحباله الصوتية، حيث قال في هذا الفيديو: “من فضلكم لازم تسمعو ولا للتنمر .. اللي بيهزر وبيتريق على حسن شاكوش عشان صوته تعبان .. أحب أقولكم حاجة: الرجولة مش بس صوت .. الرجولة مواقف وصمود وشغل وتعب وشقى عشان يوصل! .. شاكوش أخويا، صاحبي، عشرة سنين .. راجل شاف كتير ولسه واقف على رجليه.. بيغني وهو تعبان، وبيعافر وهو مجهد .. وده مش ضعف .. ده قوة قلب ومعدن أصيل! .. المطرب الحقيقي مش اللي صوته حلو وهو مرتاح .. المطرب الحقيقي هو اللي بيغني من قلبه حتى لو صوته مجهد .. وبيفرّح الناس حتى لو هو موجوع! .. الناس اللي قاعدة ورا الكيبورد تتريق؟ .. ولا واحد فيهم يقدر يوقف دقيقة مكان الراجل ده في حياته! .. أنا واقف معاك يا شاكوش لآخر نفس .. وكلنا عارفين إنك راجع أقوى .. وده وعد من حمو بيكا قدام الدنيا كلها!”.
