حمو بيكا يعبر عن غضبه من التنمر: لو مش عاجبك.. ماتدخلش حسابي
رد مطرب المهرجانات، حمو بيكا، على الانتقادات والتنمر الذي يتعرض له كلما نشر صورة أو فيديو عبر حساباته على مواقع التواصل الاجتماعي. في فيديو مباشر عبر صفحته الرسمية على فيسبوك، أبدى بيكا استياءه من التعليقات السلبية التي يتلقاها من بعض المتابعين، واصفًا إياهم بـ "المرضى النفسيين".
حمو بيكا يتعجب من التنمر
قال حمو بيكا في بداية الفيديو: "طالع أوضح كلمتين لكل إخواتي اللي بيعرفوا يقرأوا ويكتبوا... وممكن تكون عندكم وجهة نظر مش عندي يعني... وقبل أما أقول أي حاجة أنا بحبكم في الله... بس حابب أعرف ليه كل أما أنزل صورة أو فيديو في ناس بتشتمني؟ يعني ليه بتشتمني؟ أنا زعلتك في حاجة ولا ضايقتك؟".
وأضاف بيكا مستنكرًا: "لو أنا مش عاجبك ماتدخلش عندي... وأول ما تشوف صورة أو فيديو ليا جريه... يعني انت النهارده بتدخل تشتم وتقل في أدبك... هل انت شخص كويس أو نضيف؟ أنا مش فاهمها دي؟".
وأشار إلى أن كثيرًا من هؤلاء المتابعين يكتبون تعليقات غير لائقة لكن عند لقائه بهم شخصيًا، يهرعون لالتقاط الصور معه وطلب الفيديوهات، مما اعتبره نوعًا من "قلة الأدب" والحقد.
ردًا على التنمر
وتابع: "بلاقي حاجات غريبة وناس بتدخل تقول كلام هي مش فاهماه... ولكن لما تشوفني في حتة تجري تتصور معايا وتعمل معايا فيديو... ودي قلة أدب وحقد بطريقة مش كويسة... وإزاي واحد أهله علموه وربوه ويقعد يشتم في الناس... يا عم مش عاجباك شخصيتي ماتخشش عندي أصلا".
دعم حسن شاكوش
كما أكد حمو بيكا دعمه الكامل لصديقه وزميله مطرب المهرجانات حسن شاكوش، الذي تعرض أيضًا للانتقادات مؤخرًا عبر السوشيال ميديا. وقال بيكا: "حسن شاكوش ده أخ ليا مش صاحب وبنجتمع علشان نعمل أغاني بس... حسن كان تعبان الفترة اللي فاتت وغنى ووقع منه المقام... يا باشا ده اللي بيمشي عربية بتعطل منه وده بني آدم وله صوت وبيتعرض للإرهاق... وتعرض لقلة الأدب... ومش ده اللي عمل أغنية عود البطل وكسر الدنيا وده من أحلى الأصوات... وده شخص تعبان والنهارده أنزل صور لينا يتشتم ليه؟ انتو مرضى ولا تعبانين؟".
