مي كساب عن أزماتها المالية: "كنا بنجمع الفضية عشان نجيب أكل"
كشفت الفنانة مي كساب عن معاناتها بثلاث أزمات مالية في حياتها، مؤكدة أن والدها علمها معنى الشبع مما جعلها تتأقلم مع تلك الازمات دون مشاكل.
أزمات مي كساب المالية
حيث قالت مي كساب في تصريحات تليفزيونية: “أبويا علمني الشبع من وأنا صغيرة، معايا جنيه زي معايا مليون جنيه ، مريت بأزمات مالية أكتر من مرة، وتحديداً وصلت لها تلات مرات؛ مرة في بداياتي، ومرة وقت ثورة يناير، والمرة التالتة وقت كورونا، دايماً الناس فاكرة إن الفنانين كلهم غرقانين في بحر من الملايين، وده تفكير مش حقيقي ، وقت كورونا مكنش فيه فلوس، وكنا بنلم الفضية من البيت من كل الشنط عشان نجيب أكل، وكان عندنا أقساط بيت ومربية عيالي قعدت 5 أو 6 شهور مابتخدش مرتب، بعد كورونا الحمد لله ربنا سبحانه وتعالى كافئنا أوي أنا وجـوزي بشكل كبير؛ هو رضاه ونجحه نجاح كبير وأنا رضاني ونجحني نجاح كبير، لأننا استحملنا وصبرنا ورضينا وقلنا الحمد لله، ودلوقتي لما بنفتكر الموضوع بنضحك، الإنسان يتعلم من كده إن الشبع نعمة كبيرة، وإنك تكون واثق إن ربنا هيعوضك وهيرضيك دي برضه نعمة كبيرة.”
سبب زعل مي كساب وأحمد الفيشاوي
في سياق آخر، قد أعربت الفنانة مي كساب عن حزنها من الفنان أحمد الفيشاوي بسبب توقف أجزاء مسلسل «تامر وشوقية»، مؤكدة أنها كانت تتمنى استمرار العمل لأجزاء جديدة، خاصة مع ارتباطها الشديد بالشخصية والأجواء التي عاشتها خلال تصوير المسلسل.
وقالت مي كساب، في تصريحات إعلامية، إنها تعتب على أحمد الفيشاوي بسبب قراره عدم استكمال المسلسل، الذي شكّل محطة مميزة في مشوارها الفني، وكانت تستمتع كثيرًا بالمشاركة فيه.
مي كساب توجه رسالة لأحمد الفيشاوي: هان عليك تامر وشوقية؟
ووجهت مي كساب رسالة إلى أحمد الفيشاوي، قائلة: «أنا زعلانة منك، وعاوزة أقولك: إزاي تفرط في تامر وشوقية؟ زعلانة منه جدًا.. هان عليك تامر وشوقية يا فيشو؟».
وأوضحت مي أن المسلسل كان يمثل لها تجربة خاصة، ولم تكن تتمنى انتهاءه، مضيفة: «المسلسل ده كان بالنسبة لي حاجة بستمتع بيها أوي، مكنتش أتمنى إنه ينتهي».
