المونجارو الحل.. أروى جودة تكشف عن سر خسارتها للوزن |فيديو
كشفت الفنانة أروى جودة عن سر فقدانها للوزن خلال الفترة الماضية، خاصة بعد ظهروها برشاقة ملحوظة، وذلك خلاال لقاءها مع الإعلامية هبة حيدري، على قناة المشهد.
سر خسارة أروى جودة للوزن
حيث قالت أروى جودة موضحة: “اتجهت للمونجارو حقن التخسيس، كنت مغيرة الدايت بتاعي وبحاول أخس وجسمي مش راضي يخس، وكنت بفقد أمل أني مش هبقى حلوة ومش هيقبلوني، وبقيت أقول للناس أنا وصلت لده ازاي عشان ميحزنوش على نفسهم بس لازم يكون تحت إشراف طبيب تغذية”.
أروى جودة وزوجها يتاخذا قرارًا بعدم الإنجاب
في سياق آخر، قد تحدثت الفنانة أروى جودة عن قرارها هي وزوجها بعدم الإنجاب، خاصة بعد استئصالها أورامًا من الرحم منذ 7 أشهر، حيث قالت أروى جودة في اللقاء ذاته: “إحنا واخدين قرار إننا مش هنجيب أولاد، زوجي قالي أنه عنده 50 سنة وعقبال ما نجيب ولد ويبقى عنده 10 سنين هو هيبقى عنده 60 سنة، ده ظلم للولد لأن ممكن ميبقاش عندنا طاقة أو نسيبه ونمشي بدري.. ولو ربنا رزقنا بـ ده مش هنمانع.”
استئصال أروى جودة لأورامًا من الرحم
أما عن استئصالها أورامًا من الرحم، أضافت أروى جودة: حاولت أعمل تجميد بويضات ولما رحت أكشف الدكتور قالي إني عندي أورام حميدة في الرحم، وعملت العملية من 7 شهور، والدكتور قالي أنا شيلت أورام بحجم إني حامل في 7 شهور ونص، وبسبب ده حصلي مشاكل في شغلي كعارضة أزياء وحسيت أن مشواري كله أتحول لمقاس وجرحتني.
وأردفت: مكنش هدفي إني ألبس الفستان الأبيض، كان هدفي ألاقي رفيق درب ويعرف يتعامل مع عيوبي مش يذلني بيها، ولكن المجتمع بتاعنا مشكلته إنه بيضغط عليكي بعد ما تعدي سن معينة، وبيديكي أفكار منها إن أتجوزي أي حد وجيبي منه طفل وبعدين أتطلقي، فكان أهم بالنسبة ليا إني ألاقي حد أكمل حياتي معاه من إني أجيب طفل وبعدين أدورله على أب تاني، وأنا بشوف إن الست تربي أطفال لوحدها وتشتغل دي بطولة عظيمة.
