أروى جودة تكشف سر غريب عن زوجها الإيطالي: مش بيحب الملوخية بس بيعشق الكوارع

كشفت الفنانة أروى جودة عن تفاصيل خاصة عن حياتها وزواجها، موضحة: «أغنية خطفوني عنيه خطفوني اللي اشتغلت في فرحنا لما طلعنا الأوضة لقيته بيغنيها، وولاده كمان قعدوا يغنوها فترة لما سافرنا، ولاده بيحبوني جدا ولما بيخافوا يقولوله حاجة بيعرفوني أنا أقولهاله».

حضور غير متوقع في الفرح

وأضافت جودة، خلال حوارها في برنامج «الستات ما يعرفوش يكدبوا»، المذاع على قناة «سي بي سي»: «فرحي في مصر كان أحلى من إيطاليا لإن هنا كان في عيلتي وزمايلي، وفي ناس مكانتش بتخرج ولا تروح أفراح وجت عشاني مخصوص زي محمود حميدة، أحمد العوضي، وغادة عادل، وأيتن عامر كانت واقفة معايا ربنا يسعدها وناهد السباعي». 

زوجي مش بيحب الأكل المصري

وتابعت: «زوجي مش بيحب الأكل المصري وحاولت أكله ملوخية مطقهاش، محبهاش خالص وبالنسباله لزجة أوي، عجبته الكوارع أوي، بيحب اللحمة البلدي بتاعتنا بيحب السلطة والخضار وانبهر بالفواكه عندنا». 

في وقت سابق، كشفت الفنانة أروى جودة عن جانب إنساني من علاقتها بجمهورها، مؤكدة أنها تشعر بدعم كبير منهم في مختلف المواقف، قائلة: «أنا بحس إني محمية من جمهوري وكلهم إخواتي، أمهاتي، ولادي، بحس إننا صحاب وأقدر أقف في اي حته واتكلم مع حد فيهم والموضوع بسيط بينا، فأنا بحب دا وبشكرهم لما بيحموني وبعتذرلهم لو زعلتهم مني».

زوجها يميل إلى الابتعاد عن الأضواء

وأضافت أروى جودة، خلال حوارها في برنامج «الستات ما يعرفوش يكدبوا» على قناة «سي بي سي»، أن زوجها يميل إلى الابتعاد عن الأضواء، موضحة أنه يشعر بالخجل من الظهور في المناسبات العامة خاصة على السجادة الحمراء.

وتابعت: «جوزي بيكسف أوي وبقعد أشده وأقوله ونبي خليك معايا تعالى، يقولي لادا شغلك انتي المفروض تروحي لوحدك، أقوله والله العظيم كل الممثلين والممثلات بيروحوا بأزواجهم على الريد كاربيت، يقولي لا انتي المفروض تاخدي شوية وقت لوحدك كده علشان يحسوا بوجودك». 

في وقت سابق، بالتزامن مع يوم عيد الحب، وثقت الفنانة أروى جودة أجواء زفافها للمرة الثانية في إيطاليا من زوجها رجل الأعمال الفرنسي-الإيطالي جون باتيست، في حفل اتسم بالرومانسية والهدوء وسط الطبيعة الخلابة.

تفاصيل إطلالة أروى جودة 

وظهرت الفنانة العروس أروى جودة بإطلالة زفاف ناعمة تجمع بين البساطة والرقي، من تصميم المصممة Piniella Passaro تميزت بقصة أنثوية هادئة ولمسات كلاسيكية عكست ذوقها الأنيق، في أجواء احتفالية اتسمت بالدفء العائلي وحضور الأهل والأصدقاء المقربين.