أروى جودة توجه الشكر لوزارة العدل : تجربتي في مكتب زواج الأجانب نموذج مشرف
وجهت الفنانة أروى جودة الشكر لوزارة العدل، بعد تجربتها في مكتب زواج الأجانب في العاصمة الجديدة، حيث أثنت على المستوى الراقي للمكان والموظفين به.
وقالت أروى جودة في فيديو عبر صفحتها الرسمية على فيسبوك : “كنت في مكتب زواج الأجانب اللي تابع لوزارة العدل في العاصمة الجديدة، واللي شوفته النهارده أبهرني وأنا فخورة جدًا إن ده بيحصل في بلدي، لأني انبهرت بشياكة المبنى، وإحنا في عز الصيف الدنيا حر، بس المبنى مكيف ونضيف ومودرن، والاستقبال كان في منتهى الرقي والموظفين كانوا دؤوبين إنهم يخلصوا شغلهم بسرعة ويدوك معلومات زيادة وذوق جدًا”.
وتابع أروى : “اللي شوفته ده نموذج مشرف، وكل أما بدخل مصلحة حكومية ده بيتكرر، وأتمنى استمرار المستوى الراقي ده عندنا، وعايزة أشكر وازرة العدل وكل الموظفين المحترمين اللي أنا شوفتهم، وأنا مش بتكلم عن تجربتي بس الشخصية ولكن عن تجارب الناس التانية اللي كانت معايا في المكان”.
واختتمت أروى جودة : "عايزة أشكر كل الموظفين على تفانيهم في إنجاز الشغل وشطارتهم، وأنا فخورة جدًا بيهم، بالتوفيق دايمًا يارب".
يُذكر أن أروى جودة احتفلت بزفافها على رجل الأعمال الإيطالي الفرنسي جون باتيست، في نوفمبر الماضي، بحضور عدد من نجوم الفن بينهم ياسر جلال ولبلبة ومحمود حميدة وجيهان الشماشرجي وغيرهم.
