سامر أبو طالب يرد على طليقته رنا سماحة برسالة لابنهما : علشانك أستحمل الدنيا
خرج الملحن سامر أبو طالب للرد على منشور طليقته المطربة رنا سماحة الأخير، والذي اتهمته خلاله بالتهرب من دفع نفقة نجلهما مالك، وتعمد التشهير بها مع زوجته الحالية عبر مواقع التواصل الاجتماعي.
ووجه طليق رنا سماحة رسالة مؤثرة لنجلهما، مؤكدًا أنه من أجله سيتحمل ما وصفه بـ “التشهير” والرغبة في صناعة التريند من أجل الترويج لأغنية.
وكتب سامر أبو طالب عبر حسابه الشخصي على فيسبوك : "مالك حبيبي وصاحبي وابني وأول فرحتي وروح قلبي، علشانك أستحمل الدنيا تشيل وتحط فيا مش بس يتشهر بيا ويتقال عني كلام من أوقح الكلام اللي ممكن يتقال عن بني آدم زيي معروف عنه الاحترام والكرم، وبيتقي ربنا في كل شئ ومابيظلمش ولا بييجي على حد الحمد لله وربنا يديمها نعمة".
وواصل : "عايز أقولك يا مالك إني ماكنتش أحب تكبر تلاقي العلاقة كده بين أمك وأبوك، واصلة للمحاكم والكل بينشر وبيعيد ويزيد فيها، وعلشان إيه ؟، علشان أغنية تطلع تريند ؟، ولا شوية دعاية أقل ما يقال عنها إنها دعاية رخيصة وشو مالوش قيمة".
وتابع طليق رنا سماحة : "أنا من بداية الأزمة وأنا مقرر إني عمري ماهعمل فيك كده، وهفضل ملتزم الصمت تماماً لأني مش من الشخصيات اللي بتحب الدوشة والمشاكل والقيل والقال والفضايح ورمي الناس بالباطل، وسكوتي عن حقي وشتيمتي وإهانتي أنا وأسرتي ومراتي وأبويا وإخواتي في اللي فات ده كله، والتزامي للصمت كان علشانك يا حبيبي، علشانك أنت وبس يا مالك ".
وأضاف مؤكدًا حرمانه من رؤية نجله منذ 5 أشهر، حيث كتب : "محروم منك وبقالي 5 شهور مش بشوفك علشان بس العند ولمجرد إن الحضانة مع مامتك، وبرضه ماتكلمتش، وما حاولتش أعمل شوشرة، وفوضت أمري لله في أموري كلها، وقولت إن شاء الله ربنا قادر يغير الاحداث للأحسن و للأصلح ليك يا مالك، وبرضه سكوتي علشانك أنت".
وأكمل سامر أبو طالب : "وعلشانك هوقف اللي بيحصل قبل نهاية مسلسل أب ولكن اللي إحنا فيه ده، ردي هيكون رد قانوني على كل الإشاعات ومحاسبة كل من شارك فيها، أصل انا مش محتاج أعمل تريند على حساب ابني، اللي هيكبر يلاقي أمه بتشهر بأبوه بالكدب و بدون وجه حق، وفي الأخر تقولك دي لعبة محامي وأنا ماليش دعوة، وكأنها بأعصاب باردة، بتنقذ نفسها و لكنها بتضيع ابنها ".
واختتم طليق رنا سماحة : "ولنا الله يحكم في عباده، ويارب يجي اليوم اللي نفوق فيه من حب الشهرة والتريند، ولو علي حساب ولادنا".
