بعد إصدار حكم حبسه ب٣ أشهر.. أول تعليق من سامر أبو طالب: "بحضرلكم الجديد"
خرج الملحن سامر أبو طالب في أول تعليق له بعد إصدار حكم ضده بالحبس ٣ أشهر من طليقته المطربة رنا سماحة، بسبب عدم سداده مصاريف مدرسة ابنهما، حيث تجاهل الأمر وبدأ في الترويج لأعماله المقبلة من خلال منشور عبر حسابه الرسمي على موقع تبادل الصور والفيديوهات إنستجرام.
سامر أبو طالب يتجاهل حكم حبسه
حيث قال سامر أبو طالب معلقًا: "مساء العسل عالناس العسل بحضرلكم شوية حاجات حلوه اوى الفتره دى دعواتكم ان شاء اللّٰه تكمل بالخير و اوعدكم تتبسطوا".
تعليق سامر أبو طالب على رامي صبري
في سياق آخر، قد خرج الملحن سامر أبو طالب عن صمته ليعلق على التصريح الأخير للمطرب رامي صبري، الذي اتهم من خلاله الملحنين والشعراء بعدم التجديد، وذلك من خلال مقطع فيديو عبر حسابه الرسمي على موقع التواصل الإجتماعي فيسبوك.
حيث قال سامر أبو طالب: “بقالنا فترة زمايلنا الملحنين وشعراء حاسين أن في تجاهل وطلعوا وأتكلموا كلمتين من قلبهم، وأنا ضميت صوتي لصوتهم ومش معنى كده اننا بنشحت، فكرة التجاهل هنا هي أننا بنبعت لناس عرفنا ومسجلين أرقامنا وفي بينا كلام وقعدات مزيكا وبرا المزيكا، وفي ناس اشتغلنا معاهم قبل كده ونجحنا مع بعض، لكن أنك متردش أصلا دي حاجة مش كويسة، ولا في حقك ولا في حقنا كصناع لأن الموضوع ده مؤذي جدًا، تقدر بكل بساطة تقول لا مش عاجبني لا مش حلو، ومحدش هيزعل لانك أنك ترد ده تقدير منك، هخص بالذكر النجم الكبير رامي صبري اللي أنا بحبه جدًا على المستوى الشخصي، محدش جاب سيرتك في الموضوع ده أه انت من الناس اللي مبتردش والوحيد اللي طلع اتهمنا بعدم التجديد، لا أحنا عندنا جديد ومتطورين وأنا عن نفسي متميز جدًا في حتتي، أنت بس اللي مبتفتحش الشات عشان تاخد بالك، الناس اللي انت اتهمتها دي ليها أسامي وليها نجاحات، أنا نجحت مع عمرو دياب وتامر حسني وإليسا ولطيفة ورامي جمال، بقالي 12 سنة ملحن وخطواتي الحمدلله كويسة، أنت مكنتش موفق خالص في التصريح اللي قولته خصوصًا أن محدش جاب سيرتك أحنا أتكلمنا عن المطربين عمومًا”.
