«ابنكم راح مع الجراح».. ياسمين عز: بيزيرا بيقول مأخدش مستحقاته من الزمالك
قالت الإعلامية ياسمين عز: «افتقدت الزمالك في الإجازة جدا.. فاكرين لما قلت على بيزيرا زي القرد وممثل زعلتم مني.. لكن هو فعلا ممثل كان بيجيب الجول ويعيط ويبوس تيشيرت الزمالك.. ده زيزو معملهاش».
وأضافت عز، خلال حلقة اليوم من برنامج «كلام الناس» المذاع عبر شاشة إم بي سي مصر: «هو بيقول إنه مخدش مستحقاته؟.. لكن لأ حاش لله الزمالك عمره أخر مستحقات لاعب، يلا خلاص «ابنكم راح مع الجراح وقال في لوس في بيزيرا مفيش فلوس همشي»
وفي سياق الحلقة، قالت ياسمين عز: «في حادثة مرعبة في الشروق المتحرش اللي بيتحرش باستباحة وبينتهك حرمة جسدها.. الراجل ده لازم يتسجن وياخد اشغال شاقة وينضف حمام السيدات في السجن».
وأضافت عز: «ياريت كنت أعرف اتكلم براحتي على الهوا بس الراجل ده لازم يتعاقب ويكون عبرة وياريت مفيش أي محامي يحاول يخرجه»
كما تطرقت للحديث عن جهود وزارة الداخلية بقيادة اللواء محمود توفيق، قائلة: «وزارة الداخلية شغالة بشكل مشرف وأنا كل يوم بعد بوستات وزارة الداخلية لحد ما أتعب من العد.. بيجيبوا الناس بنفس اللبس بيعملوا راكور للمتهمين والوضع أمان لدرجة في خناقات بتنتهي قبل ما تبدأ».
كما أشادت بالخدمات التي تطرحها وزراة العدل لتسهيل استخراج الأوراق الرسمية، قائلة: ««الشهر العقاري زمان كان بيضيع اليوم.. حاليا تقعد في مكانك ملك زمانك الموظف بيجيلك لحد عندك بكل حاجة وكمان الخدمات متوفرة في الساحل الشمالي مش لسا هتجيب 70 مليون من البيت وترجع تشتري في الساحل يعني ميصحش».
