ياسمين عز: ياريت نسيب الحيطان والجلابية ونهتم هل الطالب بيتعلم كويس ولا لأ

قالت الإعلامية ياسمين عز: «مدرسين القليوبية اللي أثاروا الجدل.. الأستاذ نادر على اللي لابس جلابية والأستاذة صالحة أبو الفضل اللي صلحت حاجات في المدرسة مشكورة».

وأضافت عز، خلال حلقة اليوم من برنامج «كلام الناس» المذاع عبر شاشة إم بي سي مصر: «عندنا مليون ناقد مجتمعي عظيم بيتكلم من ورا التليفون.. ياريت نسيب الحيطان والديسكات والجلابية ونهتم هل الطالب بيتعلم كويس ولا لا.. الطالب البائس المسكين نشوف بيتعلم إيه».

وتابعت: «فين درس الإملاء كل يوم خميس ومبقاش في تسطير الورقة خلاص بقينا في نظام البوكليت، ما نركز مرة واحدة في الحاجات الأساسية مش عايزة أقول رأيي لأنه مش هيعجب حد لأن رأيي ولا المحافظ غلطان ولا السيدة اللي غلطانة اللي في النص هو الغلطان اللي بتوصل المحافظ والمديرة ببعض وطنشوا الموضوع».

وفي سياق سابق، قالت الإعلامية ياسمين عز: «النيابة العامة أمرت بحبس المتهمين في تسريب الامتحانات والغش ومن ضمنهم كان في واحد بيقف أعلى الكوبري اللي لازق في أحد اللجان وبيقول اجابات الأسئله بصوت مسموع لابنه زي فيلم برشامه وقال إنه خد الأسئله من جروب على تليجرام.. الموضوع مهم ولازم يتواجه بقوة عشان اللي تعب يلاقي مجهودة».

وأضافت، خلال حلقة اليوم من برنامج «كلام الناس» المذاع عبر شاشة إم بي سي مصر: «كل شويه أشوف صورة لطفل مدرس بيطلع من ودنه سماعة مش معقول كده والسماعة بـ 1000 دولار يعني حاجة و50 ألف جنيه مش للدرجة دي أنت ممكن تعمل مشروع بيهم أو ذاكر جزء صغير ينجحك».

وتابعت: «في ناس مبتعرفش تذاكر واتولدت إنها متعرفش تتذكر المعلومة ولا تحفظ.. حله إنه يراجع أي حاجة ويعدي زي الأرجنتين كده أو عدي بالواسطة.. وبعدين في الأخر يعني لو هتعدي له سماعة النهارده هيعدي فين بعد كده لو بقى مهندس هتحط له سماعه وهو بيبني بيت، طب لو طلع دكتور هيحط سماعة وهو بيعمل عملية.. ويبقى أبو سماعة راح أبو سماعة جه».