شادي شامل: "طول عمرنا واحد محسناش بفرق مين مسلم ومين مسيحي"
خرج الفنان شادي شامل عن صمته ليعلق على الأزمات التطرفية والتفرقة بين المسلم والمسيحي، وذلك من خلال منشور عبر حسابه الرسمي على موقع التواصل الإجتماعي فيسبوك.
شادي شامل يكشف عن طفولته وعلاقته القوية بالمسيحيين
حيث قال شادي شامل معلقًا: “علي فكرة أنا كنت في مدرسة اسمها سان چورچ و اللي ربانا في المدرسة أبونا موريس وأبونا أسكندر وأبونا صمويل و الكنيسة جوه المدرسة، و اخواتي البنات واحدة في الأرمن الكاثوليك وأختي التانية في القديس يوسف وأخواتي الولاد كانوا مدرسة الفرير، و العمارة عندنا في الميرغني طنط كاميليا و طنط عفاف غبور علي طول في البيت عندنا، يعني طول عمرنا واحد محسناش بفرق مين مسلم و لا مين مسيحي”.
شادي شامل يهاجم منتقديه
وقد خرج الفنان شادي شامل عن صمته ليهاجم بعض منتقديه، موضحًا أنه من عائلة ارستقراطية، وأن الرئيس الراحل أنور السادات كان شاهدًا على عقد زواج والده ووالدته، وذلك من خلال منشور عبر حسابه الرسمي على موقع التواصل الإجتماعي فيسبوك.
وعلق شادي شامل قائلًا: “ما هو يا جدعان طبيعي لما يبقي جدي سكرتير الريس و رئيس الديوان و أنور السادات عندنا في البيت بيشرب الشربات و شاهد علي عقد جواز والدي و الدتي وأهلي كلهم من ناحيه الوالد و الولده مناصب في الدوله لازم يكون في بعض الناس بتحقد عليا طبقيا، ده ربنا اللي قال (و رفع بعضكم فوق بعض درجات)، مش ذنبي ان عيلتي عيله أرستقراطية و اني ابن ناس و اتعلمت، فا احسن المدارس و الجامعات و اهلي ربوني علي الشياكه و الرقي، فا مفروض اعذر الناس المريضه اللي من تحت بير السلم تكتب كومنتات وسخة، صدقني او صدقيني مش عيب انك تبقي فقير او مش متعلم العيب انك تكون مش متربي و اهلك معلمكش انك تكون راضي بما قسم الله لك يا ما ناس اهلهم علي قد حالهم و بقوا احسن الناس عشان اهلهم تعبوا في تربيتهم”.
