بعد تعليقه على منتقديه.. شادي شامل يتوعد باتخاذ الإجراءات القانونية
خرج الفنان شادي شامل عن صمته، ليكشف عن تعدي بعض المتابعين عليه لفظيًا بتعليقات غير أدبية، وذلك من خلال منشور عبر حسابه الرسمي على موقع التواصل الإجتماعي فيسبوك، وتوعد لمثل هؤلاء باتخاذ الإجراءات القانونية ضدهم.
شادي شامل يتوعد للمسيئين إليه باتخاذ الإجراءات القانونية ضدهم
حيث قال شادي شامل معلقًا: “اني اوصل للغضب اللي أنا فيه ده مش من فراغ، لأن حقيقي طفح الكيل و استحملت سفالة ناس اللي هي فعلا ملهاش أي مبرر ، فا لازم كل واحد من هذه العينة تديلوا فوق دماغه و تعرفه قيمته، و كل اللي يعرفني علي المستوي الشخصي يعرف اني ابسط وأجدع واحد في الدنيا مع الناس المحترمه المتربيه أشيلهم فوق راسي من فوق ، انت بقي مش متربي مش هسكتلك و هتعامل معاك من فوق و مش هسيب حقي و اعمل فيها كيوت، اصل ملهاش مبرر غير انك مريض نفسيا او عندك نقص او عندك حقد طبقي او شايف اللي قدامك شكله و اخلاقه احسن منك فا تبتدي تشتمه عشان تعوض العقده اللي من صغرك، تخيل انك تتشتم كل يوم و بدون سبب يارتني مثلا اذيت حد ، لا دي ناس بتشتم بدون سابق معرفه و استحملت عشرات السنين، أنا نفسي ببقي حزين لما بشوف تعليقات وسخة، يعني مثلا ناس بتشتم قيمه و قامه زي عمرو دياب بيتشم ب اوسخ الألفاظ و ده راجل اسعد ملايين علي مدار ٤٠ سنة، ليه الاختلاف في الرأي ما يكونش ب احترام و ادب ليه الالفاظ الوسخة، و نصيحه لأي حد ما حدش يسكت عن حقه، لانك لما تسكت الناس بتزيد فيها، و دي عينة من الناس المريضة الحاقدة، و من هنا و رايح كل واحد هيتطاول هيترفع عليه قضية رد اعتبار و أحبسك و تعويض مادي يبيع اهله اللي وراه و اللي قدامه قدامه عشان يكون عبره للأخرين، و ده اول واحد هيترفع عليه قضية”.
شادي شامل يهاجم منتقديه
وقد خرج الفنان شادي شامل عن صمته ليهاجم بعض منتقديه، موضحًا أنه من عائلة ارستقراطية، وأن الرئيس الراحل أنور السادات كان شاهدًا على عقد زواج والده ووالدته، وذلك من خلال منشور عبر حسابه الرسمي على موقع التواصل الإجتماعي فيسبوك.
وعلق شادي شامل قائلًا: “ما هو يا جدعان طبيعي لما يبقي جدي سكرتير الريس و رئيس الديوان و أنور السادات عندنا في البيت بيشرب الشربات و شاهد علي عقد جواز والدي و الدتي وأهلي كلهم من ناحيه الوالد و الولده مناصب في الدوله لازم يكون في بعض الناس بتحقد عليا طبقيا، ده ربنا اللي قال (و رفع بعضكم فوق بعض درجات)، مش ذنبي ان عيلتي عيله أرستقراطية و اني ابن ناس و اتعلمت، فا احسن المدارس و الجامعات و اهلي ربوني علي الشياكه و الرقي، فا مفروض اعذر الناس المريضه اللي من تحت بير السلم تكتب كومنتات وسخة، صدقني او صدقيني مش عيب انك تبقي فقير او مش متعلم العيب انك تكون مش متربي و اهلك معلمكش انك تكون راضي بما قسم الله لك يا ما ناس اهلهم علي قد حالهم و بقوا احسن الناس عشان اهلهم تعبوا في تربيتهم”.
