ارتباك مغلف بأستوري.. شادي شامل ينتقد حرية البنات التي تستعرض جسمها
خرج المطرب شادي شامل عن صمته ليعلق على مظاهر العري المستترة بحرية الفتيات، وذلك من خلال منشور عبر حسابه الرسمي على موقع التواصل الإجتماعي فيسبوك.
شادي شامل ينتقد هذه الفتيات
حيث قال شادي شامل منتقدًا: "مين قال انك كل ما تتعري تبقي اقوي، هي الحريه كل ما قل القماش زادت القيمة، مين قال ان كل ما تتعري تبقي اقوي ، دي مش حريه ده ارتباك مغلف ب استوري و صوره علي البحر، البنات بقوا يغيروا من بعض مش علي الذوق و لا علي الجمال بس علي قله الحياء، كل واحده بتستعرض جسمها و تيجي تقول ليه الرجاله مش بتحترمنا؟ ايه رأيكم ؟، طيب إذا كل اللي بتعرضيه هو جسمك ازاي عايزه الراجل يحترمك ؟ و ازاي يحترم عقلك ؟، المشكلة مش في الصيف ، المشكلة في عقلك اللي خلاكي تفتكري ان التعري يساوي التطور والستر يساوي تخلف، الانوثه مش بالبشره هي بالهيبه و القيمه مش بالصورة، القيمه بالوعي".
شادي شامل يهاجم منتقديه
وقد خرج الفنان شادي شامل عن صمته ليهاجم بعض منتقديه، موضحًا أنه من عائلة ارستقراطية، وأن الرئيس الراحل أنور السادات كان شاهدًا على عقد زواج والده ووالدته، وذلك من خلال منشور عبر حسابه الرسمي على موقع التواصل الإجتماعي فيسبوك.
وعلق شادي شامل قائلًا: “ما هو يا جدعان طبيعي لما يبقي جدي سكرتير الريس و رئيس الديوان و أنور السادات عندنا في البيت بيشرب الشربات و شاهد علي عقد جواز والدي و الدتي وأهلي كلهم من ناحيه الوالد و الولده مناصب في الدوله لازم يكون في بعض الناس بتحقد عليا طبقيا، ده ربنا اللي قال (و رفع بعضكم فوق بعض درجات)، مش ذنبي ان عيلتي عيله أرستقراطية و اني ابن ناس و اتعلمت، فا احسن المدارس و الجامعات و اهلي ربوني علي الشياكه و الرقي، فا مفروض اعذر الناس المريضه اللي من تحت بير السلم تكتب كومنتات وسخة، صدقني او صدقيني مش عيب انك تبقي فقير او مش متعلم العيب انك تكون مش متربي و اهلك معلمكش انك تكون راضي بما قسم الله لك يا ما ناس اهلهم علي قد حالهم و بقوا احسن الناس عشان اهلهم تعبوا في تربيتهم”.
